A Győri Püspökség Körlevelei, 1911
Tartalomjegyzék
36 Singulas has demum benedictiones impertiri posse unicu crucis signo, vel in ipso adscriptionis actu, statim post absolutam regularem scapularis impositionem, vel etiam serius, pro petentium opportunitate, non interest an servato vel non diversarum adscriptionum ordine, nec quanto post temporis ab ipsis, a quovis Sacerdote, etiam ab adscribente distincto, qui respectiva scapularia benedicendi sive ordinaria sive delegata facultate polleat, firmis ceteroquin primitivae facultatis limitibus, clausulis et conditionibus. Contrariis quibuscumque, etiam specialissima mentione dignis, non obstantibus. Datum Romae, ex Aedibus S. Officii, die 16-a Decembris an. D. 1910. (L. S.) Aloisius Giambene, Substitutus pro Indulgentiis. Jaurini, die 25-a Maii 1911. Nr. 2802. Ad Decretum Supremae Sacrae Congregationis S. Officii de metallico Numismate Sacris Scapularibus sufficiendo. Declarationes. Circa numismata hucusque ad finem, de quo supra, benedicta, et circa facultatem ea benedicendi a SSmo Dno nostro, directe, vel per aliquod S. Sedis Officium, aut aliter quomodolibet iam concessam Idem SSmus mentem Suam aperuit, et quae sequuntur adamussim servanda mandavit: 1. Numismata a facultatem habentibus rite iam benedicta, etiam in posterum scapularium loco gestari poterunt, eo modo et sub iis conditionibus, quibus constitit factam esse potestatem : 2. Sacerdotes omnes, saeculares vel regulares, etiam conspicua fulgentes dignitate, ne amplius numismata sic benedicendi utantur facultate, quinquennio ab illa obtenta transacto. Poterunt interea, etiamsi scapularia respective bendicendi non polleant facultate, numismata ubilibet benedicere ; ea tamen lege, ut sive quod ad statutas eorum attinet imagines, sive quod ceteras rescipit conditiones, praescriptionibus in supra relato Decreto contentis omnino se conforment; 3. Qui porro subdelegandi praediti erant facultate, hac ipsa Decreti et Declarationum promulgatione, se illa noverint excidisse; satis enim per idem Decretum iam spirituali fidelium emolumento provisum est. Datum Romae, ex Aedibus S. Officii, die 16. Decembris 1910. (L. S.) Aloisius Giambene, Substitutus pro Indulgentiis. Jaurini, die 25-a Maii 1911. Nr. 2803. Formula benedicendi quinque Scapularia Sanctissimae Trinitatis, Passionis (D. N. I. C.) et Beatae M. Virginis sub respectivo titulo Immaculatae Conceptionis, Septem Dolorum et Montis Carmeli. V. Adjutorium nostrum in Nomine Domini. R. Qui fecit coelum et terram. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo.
