A Győri Püspökség Körlevelei, 1908

Tartalomjegyzék

79

IX. series a 14—18 Sept.

X. » a 21—25 »

XI. » a 28— 2 (X.) » • P. Limburg.

XII. » a 5—9 Oct.

XIII. » a 26 — 30 »

Exercitia haec sacra inchoantur a vespere primae, finiuntur mane Ultimae diei serierum.

Velit quiscunque s. exercitia subiturus per litteras Superiori domus (Wien, XIII/9. Lainzerstrasse 136.) terminum s. recollectionis sibi electum praevie congruo tempore indicare et responsum Superioris exspectare.

Datum Jaurini, die i-a Junii 1908.

Vix ac decretum »Ne temere« de sponsalibus et matrimonio ab hac S. C. promulgatum fuerit, plures ubique excitatae sunt disputationes de aliquibus illius articulis interpretandis.

Quare sequentia dubia in plenariis comitiis a S. Congregatione Concilii die i. Febr. anni curr. habitis Emis Patribus proposita luerunt:

I. An decreto Ne temere adstringantur etiam catholici ritus orientalis. — Et quatenus negative :

II. Utrum ad eosdem decretum extendere expediat. — Et quatenus saltem pro aliquo loco decretum non fuerit extensum :

III. Utrum validum sit matrimonium contractum a catholico ritus latini cum catholico ritus orientalis, non servata forma ab eodem decreto statuta.

IV. An sub art. XI, §. 2, in exceptione enunciata illis verbis »nisi pro aliquo particulari loco aut regione aliter a S. Sede sit statutum« comprehendatur tantummodo Constitutio Provida Pii PP. X ; an potius comprehendantur quoque Constitutio Benedictina et cetera eiusmodi indulta impedimentum clandestinitatis respicientia.

V. Num in imperio Germaniae catholici, qui ad sectam haereticam vel schismaticam transierunt, vel conversi ad fidem catholicam ab ea postea defecerunt etiam in juvenili vel infantili aetate, ad valide cum persona catholica cantrahendum adhibere debeant formam in decreto Ne temere statutam, ita scilicet ut contrahere debeant coram parocho et duobus saltem testibus. — Et quatenus affirmative :

VI. An, attentis peculiaribus circumstantiis in imperio Germaniae existen- tibus, opportuna dispensatione provideri oporteat.

VII. Ubinam et quomodo capellani castrenses, vel parochi nullum absolute territorium nec cumulative cum alio parocho habentes, at jurisdictionem directe exercentes in personas aut familias, adeo ut has personas sequantur quocumque se conferant, valide matrimoniis suorum subditorum adsistere valeant.

VIII. Ubinam et quomodo parochi qui, territorium exclusive proprium non habentes, cumulative territorium cum alio vel aliis parochis retinent, matrimoniis adsistere valeant.

Nr. 3231.

Solutio dubiorum circa decretum »Ne temere.«