A Győri Püspökség Körlevelei, 1908
Tartalomjegyzék
Mi XIII. Quo congruus accedat cumulus solemnibus sacrisque pompis nuper expletis in honorem celeberrimi totius Ecclesiae Doctoris, Joannis ob aureum eloquentiae flumen cognomento Chrysostomi, mox elapso saeculo decimoquinto, ex quo sanctus ipse Antistes exilio mulctatus iniuste, ac mala multa perpessus, supremum diem obivit; Rmus P. Hugo Athanasius Gaisser, ex Ordine Sancti Benedicti, Pontificii Graecorum Collegii moderator, vota depromens peculiaris Coetus eiusmodi honoribus Chrysostomo tribuendis in Urbe constituti, ac munere suo feliciter perfuncti, Sanctissimum Dominum Nostrum Pium Papam Decimum supplex rogavit, ut eundem Sanctum Doctorem Christianae eloquentiae et coelestem sacrorum condonatorum Patronum suprema auctoritate Sua declarare ac statuere dignaretur. Id siquidem fei. rec. Leo Decimus tertius die quarta Julii anno millesimo octingentesimo octogesimo quarto indubie praenunciaverat, sacros videlicet oratores in fidem ac tutelam collocando S. Joannis Chrysostomi, Ecclesiae Doctoris, quem omnibus ad imitandum proponebat exemplar, utpote qui Christianorum oratorum facile princeps, ob aureum eloquentiae flumen, invictum dicendi robur, vitaeque sanctitudinem summis laudibus ubique celebretur. Sanctitas porro sua has preces ab infrascripto Cardinali Sacrorum Rituum Congregationi Praefecto relatas peramanter excipiens, praeclarum Ecclesiae universae Doctorem decusque Sanctum Episcopum Joannem Chr\ - sostomum, oratorum sacrorum coelestem Patronum Apostolica auctoritate Sua declaravit et constituit; eumdemque quemadmodum cunctis fidelibus omnigenae virtutis, ita Christianae eloquentiae ad imitandum exemplar sacris concionatoribus libentissime proposuit. Contrariis non obstantibus quibuscunque. Die 8. Julii 1908. — S. Card. CRETONI, Praefectus, f D. PANICI, Archiep. Laodicen., Secretaries. Jaurini die 20-a Decembris, 1908. Nr. 7414. S. Joannes Chrysost. constituitur Patronus Oratorum ss. Campanae, usui ecclesiastico inserviturae, hucusque nonnisi ab episcopo, et quidem iuxta ritum in Pontificali Romano praescriptum, poterant benedici seu potius consecrari, quum ritus simplex, in appendice Ritualis Romani, et pag. 40,* etiam in novo Rituali Strigoniensi occurrens, unice illarum quae »ad usum Ecclesiae non inserviunt«, respiciat Campanarum benedictionem. Recenter tamen S. Rituum Congregatio, nexu propositi sibi dubii, novum ritum breviorem benedicendi campanas ecclesiasticas probavit, declarans: hunc ritum non tantum ab episcopis, sed etiam ab aliis facultatem habentibus, idest sacerdotibus ab Ordinario ad id delegatis adhiberi posse, praesertim si de benedictione Campanarum agatur, quae ad ecclesias non consecratas pertinent: campanis ecclesiarum consecratarum etiam in posterum decentius ritu Pontificalis Romani benedicendis. Nr. 7415. Campanam benedicendi ritus, et facultas novas campanas benedicendi Rss. D. D. Zehetbauer et Pader Prai positis. Canonicis Sopronensi- bus concessa.
