A Győri Püspökség Körlevelei, 1907
Tartalomjegyzék
]6 I. In casu correctionis datorum Matricarum: i. Datum quodlibet matriculare corrigendum, sive nomen sit, sive alia circumstantia, semper in extractu plene fideliterque exarato et a tymbro immuni exhibendum est. 2. Data probatoria, si e matricis sumuntur, aeque in extractibus plenis fideliterque exaratis et a tymbro immunibus sunt libello supplici alleganda. 3. Datum si demonstrant corrigendum documenta alia, haec ipsa in origine, vel in copia fide digna sunt petitioni accludenda. 4. Nova cognomina, nisi ea permittente r. h. Ministerio negotiorum internorum assumta fuerint, Matriculae inferre non licet. Antequam cognomina huiusce generis Matriculae inserantur, decretum concernens in origine vel in copia fide digna substernendum venit Ordinariatui Nostro, ut quae necessaria videantur agat. 5. Si datum extractibus, documentisque sufficienter probari nequit corrigendum, testium depositionibus supplenda est probatio; iliisque penitus deficientibus testimonio dumtaxat horum demonstratur correctio necessaria, vel ipsa immatricu- latio omissa. Testes singillatim audiantur et in fine examinis subscribant proprio nomine vel cum signo crucis, quatenus sint illiterati adnoteturque, quis nomina illiterati testis signo crucis adscripserit. Protocollum subscribat et ipse Curatus, muniatque Sigillo Officii parochialis. II. Legitimatio prolis absolvitur sequentibus momentis. 1. Exhibendae sunt litterae copulatoriae a tymbro immunes attestantes validum initum esse matrimonium inter naturales profs illegitimae parentes. 2. Si uterque, vel alteruter parens naturalis sit viduus respective vidua, produci debent litterae mortuales a tymbro immunes defuncti respective defunctae coniugis, ut appareat: num tempore conceptionis prolis illegitimae naturales eius parentes canonice fuerint liberi, aut saltem per dispensationem possibile fuerit inter eos matrimonium. Quia si proles in et ex adulterio concepta fuisset, haec per sub- sequens parentum naturalium matrimonium legitimari nunquam posset obstante impedimento dirimente eoque indispensabili ligaminis, quo parentes naturales tempore generationis prolis detinebantur. 3. Conficiendus est extractus e Matrica baptisatorum prolis illegitimae, certe a tymbro immunis. 4. Exhibenda est declaratio patris naturalis prolem illam illegitimam esse suam atque per se generatam. Declaratio haec debet per ipsum patrem subscribi, item per duos ad hoc requisitos testes notari. 5. Declarationi isti addantur preces patris, quibus legitimationem prolis diserte et expressis verbis postulet. 6. Haec omnia substernantur per Curatum Ordinariatui Nostro et petatur facultas praenotandae in Matrica baptisatorum legitimationis. Jaurini, die i-a Martii 1907.
