A Győri Püspökség Körlevelei, 1905
Tartalomjegyzék
19 detrudunt. Verum hic spirabat adhuc, nec nisi post viginti et amplius horas, vulneribus et foetore confectus, Mariae et Jesu nomina ingeminans, illucescente die octava Septembris, ad coelestem coronam evolavit. Huius tam atrocis caedis fama undique perlata, ut contra auctores summam omnium indignationem movit, ita in fortissimorum virorum gloriam cessit. Quorum corpora paucos post menses a pientissima foemina Comitissa Pállfy a Bethleno dono accepta honestiori loco, primum in quodam sacello, dein prope sacrarium ecclesiae sororum a S. Ursula Tirnaviae condita sunt, ubi pluribus signis a Deo sunt illustrata. Nec multos post annos ab ipso Cardinali Pázmányo Archiepiscopo Strigoniensi iuridica iquisitio de Martyrio, fama Martyrii et signis est instituta et Roman ad Urbanum VIII. Pontificem missa. At propter adversas rerum vicissitudines causa haec diu fuit interrupta et nonnisi medio saeculo decimonono resumpta est, cum auctoritate Apostolica novae iuridicae inquisitiones Strigonii peractae sunt. His Romam missis et validis in Congregatione Rotali recognitis, a Decessore nostro Leone PP. XIII. particularis Congregatio est instituta ad cognoscendum de Martyrio, causa Martyrii et signis horum trium fortissimorum Christi Militum, atque omnibus probationibus accurate perpensis, Nos per decreta lata VIII. idus Januarias hoc ineunte anno MCMIV. de Martyrio eiusque causa et signis Martyrium confirmantibus constare ediximus. Reliquum erat, ut inquireretur, utrum Caelitum Beatorum honores tuto praedictis Martyribus decerni possent. Mox in conventu universo habito coram Nobis VII. kalendas Martias vertentis anni, cum dilectus filius noster Andreas S. R. E. Cardinalis Steinhuber causae Relator dubium proposuisset, an stante approbatione Martyrii et causae Martyrii, signis et miraculis a Deo illustrati et confirmati, tuto procedi posset ad solemnem horum Venerabilium Servorum Dei Beatificationem, tum Cardinales Sacris Ritibus tuendis praepositi, tum omnes qui aderant Consultores unanimi consensu „tuto id fieri posse11 responderunt. Nos vero in re tam gravis momenti distulimus iudicium in alium diem. Dominica prima Quadragesimae idest decimo kalen. martias volventis huius anni MCMIV. adstantibus Cardinalibus Aloisio Tripepi Sacrorum Rituum Congregationis Pro-Prae- fecto ac praedicto Andrea Steinhuber causae Relatore, necnon R. P. Alexandro Verde S. Fidei Promotore, suprema nostra Apostolica auctoritate decrevimus tuto procedi posse ad solemnem Venerabilium Servorum Dei Marci Crisini, Stephani Pongraczii et Melchioris Grodeczii Beatificationem. Quae cum ita sint, moti precibus universae Societatis Jesu, auctoritate Nostra Apostolica harum litterarum vi facultatem facimus, ut Servi Dei Marcus Crisinus liburnus Canonicus Strigoniensis, Stephanus Pongraczius hungarus et Melchior Grodeczius silesius e Societate Jesu Beatorum nomine in posterum nuncupentur, eorumque corpora et lipsana seu reliquiae, non tamen in solemnibus supplicationibus deferendae, publicae venerationi fidelium proponantur et imagines radiis decorentur. Dein eadem Nostra auctoritate concedimus, ut de iis quotannis recitetur Officium et Missa de communi plurimorum Martyrum cum orationibus propriis per Nos approbatis iuxta rubricas Missalis et Breviarii Romani. Hanc vero Officii recitationem Missaeque celebrationem fieri concedimus in dioecesibus Strigoniensi et Cassoviensi, et in omnibus Ecclesiis et Oratoriis, quibus utitur Societas Jesu, ab omnibus, qui horas canonicas recitare teneantur, et quod
