A Győri Püspökség Körlevelei, 1904
Tartalomjegyzék
40 declarati vel publice denunciati fuerunt, nisi intra praedictum tempus satisfecerint et cum partibus, ubi opus fuerit, concordaverint, nullo modo suffragari posse et debere. f) Privilegium lucrandi alias indulgentias etiam plenarias hoc tempore Jubilaei cuicunque integrum est. Rogo DD. Curatos, ut pro eo, quo animati sunt, zelo, in id incumbere velint, ut fideles, agnita beneficii per plenarias indulgentias sibi oblati magnitudine, vehementius accendantur ad hauriendum cum gaudio aquas de fontibus Salvatoris. Certum est, coelestium donorum thesaurum tunc solum nobis obtingere, si detersis per poenitentiae Sacramentum conscientiae maculis, Deo reconciliati, renovemur spiritu mentis et in concepto emendandae vitae proposito constantes et firmi usque finem perstiterimus. In tot tantisque Ecclesiae et civitatis calamitatibus contra externos quosvis inimicos non possumus validum sperare praesidium, nisi nos ipsi prius in nobis pravam vivendi consuetudinem et pravarum cupiditatum illicita et quae in nobis regnant vitia, veluti totidem hostes intestinos et domesticos, superemus, »qui, ut ait S. Leo M., si donata nobis per Dei gratiam morum correctione vicantur, etiam corporeorum nobis hostium fortitudo succumbet, et emendatione nostra infirmabuntur, quos graves' nobis non ipsorum merita, sed nostra delicta fecerunt« (Serm. 39. al. 38. c. 1.). Recolamus grata memoria solemnem Immaculatae Conceptionis B. M. V. dogmaticam definitionem et in omnibus necessitatibus imploremus pio et humili corde protectionem B. M. V. memores verborum S. Bernardi Abbatis dicentis: »Si insurgant venti tentationum, si incurras scopulos tribulationum, respice stellam, voca Mariam. Si iactaris superbiae undis, si ambitionis, si detractionis, si aemulationis, respice stellam, voca Mariam. Si iracundia, aut avaritia, aut carnis illecebrae naviculam concusserit mentis, respice ad Mariam. Si criminum immanitate turbatus, conscientia foeditate confusus, iudicii horrore perterritus, barathro incipias absorberi tristitiae, desperationis abysso, cogita Mariam. In periculis, in angustiis, in rebus dubiis Mariam cogita, Mariam invoca. Non recedat ab ore, non recedat a corde, et ut impetres eius orationis suffragium, non deseras conversationis exemplum. Ipsam sequens non devias; ipsam rogans non desperas; ipsam cogitans non erras, ipsa tenente non corruis; ipsa protegente non metuis, ipsa duce non fatigaris; ipsa propitia pervenis et sic in temetipso experiris, quam merito dictum sit: Et nomen virginis Maria« (Ex homilia 2. super Missus est). Cum Sanctissimo Domino Nostro Pio Papa X. ferventissimis — praesertim hoc Jubilaei anno — exoremus Beatissimam Virginem precibus, ut, quae caput venenosi serpentis virgineo pede contrivit, hodie quoque infensissimos Ecclesiae sanctae et salutis nostrae hostes potenti virtute compescat et afflictam Christi Sponsam ad gloriosae victoriae triumphum, nosque omnes ad salutis portum feliciter perducat. Jaurini, die 1. Martii 1904.
