A Győri Püspökség Körlevelei, 1904
Tartalomjegyzék
4i Reverendissimus Dominus Emmanuel Merra Episcopus Cotronens. in relatione status suae Ecclesiae sive Dioeceseos exhibita Congregationi Concilii die 23. Novembris 1903. sequens postulatum ad Sacrorum Rituum Congregationem pro opportuna declaratione transmissum, reverenter proposuit, nimirum: In tota dioecesi Cotronensi invenitur consuetudo deferendi a Parocho Sacrum Viaticum infirmis comitante magno numero non confratrum, sed mulierum, quae umbellam et intorticia ferunt, tintinnabula pulsant, et rosarium recitant: quaeritur, utrum hic mos tolerari possit? Et Sacra Rituum Congregatio ad relationem subscripti Secretarii, exquisita sententia Commissionis Liturgicae reque mature perpensa, rescribendum censuit: »Negative et ad mentem.« Mens est, ut aliquos saltem adolescentes adhibeat Parochus pro umbella, campanula et luminibus. Mulieres autem, si velint deferre lumina, sequentur secerdotem. Die 2. Decembris 1903. S. Card. Cretoni, Praef. L. f S. f Diomedes Panici, Archiep. Laodicen., Secret. Jaurini, die 1. Martii 1904. Nr. 1471. In deferendo Viatico, mulieres nequeunt adhiberi pro umbella, campanula et luminibus. Hodiernus Rmus Ordinarius dioeceseos Pharen. a Sacra Rituum Congregatione reventer expostulavit: I. An absolutiones quae fiunt in exequiis Summi Pontificis, Episcopi Ordinarii vel Imperatoris, etc., iuxta Caeremoniale Episcoporum et Pontificale Romanum peragendae sint a Dignitatibus et in Ecclesia Cathedrali vel etiam a simplici Sacerdote ex clero sive saeculari sive regulari et in aliis Ecclesiis? II. An Rubricae et Decreta circa Missas de Requie privilegiatas respiciant etiam missas de Requie, quae celebrantur pro Summo Pontifice, Episcopo Ordinario vel Imperatore, etc., ita ut hae postremae missae nullo gaudeant speciali privilegio diebus per Rubricas vel Decreta impeditis? Et Sacra Rituum Congregatio, referente subscripto Secretario, audito voto Commissionis Liturgicae, omnibusque accurate perpensis, rescribendum censuit: Ad I. Dictae absolutiones fieri debent a Dignitatibus et in Ecclesia Cathedrali vel in alia Ecclesia, arbitrio Ordinarii, eligenda, si ipsa Ecclesia Cathedralis impedita fuerit. In caeteris autem Ecclesiis et a simplicibus Sacerdotibus non sunt faciendae, nisi interveniente Apostolico Induito. Ad II. Affirmative. Atque ita rescripsit, die 20. Novembris 1903. — S. Card. Cretoni, Praefectus. L. f S. f D. Panici, Archiep. Laodicen., Secret. Jaurini, die 1. Martii 1904. Nr. 1472. Dubia circa absolutionem et missas de Requie pro S. Pontifice Eppo Ordinario et Imperatore. Decretum Feria VI. die 4. Decembris 1903. Sacra Congregatio Eminenti ssimorum ac Reverendissimorum Sanctae Romanae Ecclesiae Cardinalium a Sanctissimo Domino Nostro Pio Papa X. Sanctaque Sede Apostolica Indici librorum Nr. 1473. Libri ad indicem relati.
