A Győri Püspökség Körlevelei, 1904
Tartalomjegyzék
Í9Í XII. S. Congregatio Concilii gravissimi momenti sub ii. Maii a. curr. edidit Decretum de observandis et vitandis in Missarum manualium satisfactione, quod a SSmo D. N. Pio Papa X. probatum et publicari iussum vim obtinet legis ecclesiasticae universalis omnes, quos concernere dignoscitur, sub gravi obligantis, — id quod tam e rei, quod pro obiecto habet, sanctitate, quam etiam e poenarum in contraagentes statutarum gravitate ultro colligitur. Decretum isthoc pro strictissima in omnibus et singulis observantia in subnexis per extensum ad notitiam Ven. Cleri Dioecesis istius perfero. DECRETUM S. CONGREGATIONIS CONCILII DE OBSERVANDIS ET EVITANDIS IN MISSARUM MANUALIUM SATISFACTIONE. Ut debita sollicitudine missarum manualium celebratio impleatur, eleemosynarum dispersiones et assumptarum obligationum obliviones vitentur, plura etiam novissimo tempore S. Concilii Congregatio constituit. Sed in tanta nostrae aetatis rerum ac fortunarum mobilitate et crescente hominum malitia, experientia docuit cautelas vel maiores esse adhibendas, ut piae fidelium voluntates non fraudentur, resque inter omnes gravissima studiose ac sancte custodiatur. Qua de causa Emi S. C. Patres semel et iterum collatis consiliis, nonnulla statuenda censuerunt, quae SSmus D. N. Pius PP. X. accurate perpendit, probavit, vulgarique iussit, prout sequitur. Declarat in primis Sacra Congregatio manuales missas praesenti decreto intelligi et haberi eas omnes, quas fideles oblata manuali stipe celebrari postulant, cuilibet vel quomodocumque, sive brevi manu, sive in testamentis, hanc stipem tradant, dummodo perpetuam fundationem non constituant, vel talem ac tam diuturnam, ut tamquam perpetua haberi debeat. Pariter inter manuales missas accenseri illas, quae privatae alicuius familiae patrimonium gravant quidem in perpetuum, sed in nulla Ecclesia sunt constitutae, quibus ubivis a quibuslibet sacerdotibus, patrisfamilias arbitrio, satisfieri potest. Ad instar manualium vero esse, quae in aliqua ecclesia constitutae, vel beneficiis adnexae, a proprio beneficiario vel in propria ecclesia hac illave de causa applicari non possunt; et ideo aut de iure, aut cum S. Sedis induito, aliis sacerdotibus tradi debent, ut iisdem satisfiat. Nr. 4679. Decretum S. Congr. Concilii de Missis manualibus.
