A Győri Püspökség Körlevelei, 1902
Tartalomjegyzék
Lectione hac peracta Ulmus ac Rmus D. Episcopus indutus paramentis sacris ascendit Thronum Eppalerm quo terminato dictione brevi eleganti salutatur a Praeposito maiore, cui Ipse concinne respondet. Post sermones hos Praepositus maior in cornu Epistolae stans intonat hymnum Ambrosianum: Te Deum, sub quo Ven. Clerus Dioecesanus in signum obedi- entiae, reverentiaeque accedit ad faldistorium, Episcopique manus osculatur.1 Terminato hymno Praepositus maior stans ut supra orat ad hymnum hunc pertinentes orationes, ut in Rituali habentur. His dictis Cantores cantant Antiphonam: Regina coeli laetare . . . cum Versiculo: Gaude et laetare . . . nec non: Domine salvum fac Regem nostrum Fr. los. R. Et exaudi nos in die, qua invocaverimus te. Et cum dicitur Versiculus, surgens e faldistorio Ulmus ac Rmus D. Episcopus ascendit ad altare, osculaturque illud in medio, deinde procedit ad cornu Epistolae, ubi stans, ad ipsum altare versus, cantat Orationem: Deus, qui per resurrectionem . . . cui adiungit illam pro Rege Apostolico: Quaesumus omnipotens Deus . . . Deinde ad medium altaris revertitur, ubi stans dat benedictionem solennem populo dicens: Sit Nomen Domini . . . Data benedictione Ulmus ac Rmus D. Episcopus ex ambone solenniter dicit sermonem ad populum, quo finito decantat Missam Pontificalem. Post solemnia Missae cum Benedictione impertitur Indulgentias plenarias vigore Brevis, cuius tenor est sequens: »Dilecte fili salutem et apostolicam Benedictionem. Cum sicut Nobis nuper exponi fecisti tu, qui in Episcopum Ecclesiae Jaurinensis electus existis, postquam munus consecrationis susceperis ad Ecclesiam praefatam accedere intendas, Nos animarum Christifidelium tuae curae commissarum saluti paterna charitate consulere, teque specialibus favoribus et gratiis prosequi volentes, omnibus utriusque sexus Christifidelibus vere poenitentibus et confessis ac s. Communione refectis, qui primae missae, quam in dicta Jaurinensi, et deinde in aliis locorum insigniorum tuae dioecesis praefatae Ecclesiis in Pontificalibus celebrabis, ac Benedictioni per te supra populum post missarum sollemnia largiendae devote interfuerint, seu Ecclesiam, in qua Missam celebrabis, eodem die devote visitaverint, et ibi pro Christianorum Principum concordia, haeresum extirpatione, peccatorum conversione ac S. Matris Ecclesiae exaltatione pias ad Deum preces effuderint, plenariam omnium peccatorum suorum indulgentiam et remissionem misericorditer in Domino concedimus.« His omnibus expletis Illmus ac Rmus D. Episcopus comitatus per Ven. Clerum ad Residentiam suam revertitur. Ambigere minime licet fore, ut Rmi, Adm. Rdi et Rdi DD. V.-A.-Diaconi, Notariique, nec non ii, quibus per muneris sui rationes permittetur de Ven. Clero et familiis Religiosorum dignissimi solenni Adventui Illustrissimi ac Reverendissimi Domini Praesulis Nostri die 12-a. Aprilis libentissime sint interventuri, die vero 13-a eiusdem mensis, Dominica Boni Pastoris Installationi Eiusdem saltem ii, qui nomine tenus vocati sunt. i8 1 Decr. S. R. C. ddto 3. ac febr. 1877.
