A Győri Püspökség Körlevelei, 1901
Tartalomjegyzék
I Exordium novi saeculi ingentem luctum attulit Dioecesi Jaurinensi, infando dolore et moerore operuit corda Cleri et populi. Orbati sumus Patre optimo, Episcopo animarum nostrarum piissimo, virtutum omnium laude celebratissimo. Adoranda quippe divinae providentiae dispositione inscrutabili EXCELLENTISSIMUS AC REVERENDISSIMUS DOMINUS JOANNES EV. ZALKA SANCTAE JAURINENSIS ECCLESIAE EPISCOPUS, SOLIO PONTIFICIO ASSISTENS, S. CAES. ET REG. APÓST. MAJESTATIS CONSILIARIUS ACTUALIS INTIMUS, SUAE SANCTITATIS SUMMI PONTIFICIS PRAELATUS DOMESTICUS, COMES ROMANUS, INCLYTI ORDINIS CCRONAE FERREAE I. CLASSIS EQUES, SS. THEOLOGIAE DOCTOR, ACADEMI ARUM ROMANARUM CATII. RELIGIONIS ET PONTIFICIAE DE IMMACULATA CONCEPTIONE B M. V.. ITEM SOCIETATIS ROMANAE JURIS CONSULTORUM A S. PETRO NUNCUPATAE, NECNON INCLYTAE FACULTATIS THEOLOGICAE AD R. H. SCIENTIARUM UNIYERSI- TATEM BUDAPESTINENSEM SOCIUS, SACERDOS JUBILARIS, gravi morbo a duobus fere annis eum adfligente ac insigni cum patientia tolerato viribus demum rapide exhaustus et confectus susceptis piissime identidem et in ultimo quoque agone ecclesiasticis Sacramentis, ad aeternitatem evocatus, placide in Domino obdormivit die 16-a curr. mensis Januarii hora matutina 9-a cum 25 minutis, anno aetatis suae 81-0, sacerdotii 55-0 inchoato, Episcopalis dignitatis et paterni regiminis 34-0. Venerandae dilectissimi Praesulis exuviae sepulchro illatae sunt die 19-a ejusdem mensis hora 11-a in Ecclesia Cathedrali Excellentissimo ac Reverendissimo Domino Carolo L. B. de Hornig, Eppo dioecesis Veszprémiensis, exequias celebrante et Eum ad requiei suae locum ducente, in praesentia copiosae ex universa dioecesi et eius vicinia Cleri et populi multitudinis lacrymis amaris Eum deplorantis, assistente inclyto coetu magistratuum et jurisdictionum civilium et militarium necnon personarum genere et dignitate conspicuarum tam ecclesiasticarum, quam saecularium, item sodalitatum et corporationum omnis generis e tota Dioecesi et aliunde advenientium. Ab illa hora, qua regimen Dioecesis capessivit, per annos 34 totus noster erat: praesul, pater, dux, defensor, benefactor et sollicitus pastor gregis suae ex animo. Cor Ejus charitate ardebat, animus Ejus zelo gloriae Dei et Salutis fidelium aestuabat, sui ipsius immemor divitias amoris sui in Deum et homines largiter diffundebat. Tertera in Deum et Beatissimam ejus Virginem Matrem pietate, illibata vitae puritate, morum gravitate, cordis bonitate, conversationis suavitate, animi Venerabili Clero Saeculari et Regulari Dioecesis Jaurinensis.
