A Győri Püspökség Körlevelei, 1901
Tartalomjegyzék
candore et mira fortitudine, perfecta in divinam voluntatem resignatione, in malis et asperitatibus quibusvis ac infirmitatibus variis et acerbis sufferendis exemplari patientia, in juribus Ecclesiae et principiis religionis sustinendis et vindicandis invicta constantia, pastorali sollicitudine vigilantissima, laborum tolerantia et aviditate usque ultimum vitae diem fatigari nescia, beneficentia denique profusissima — speculum virtutum omnium nobis erat, praeclarum exemplar Episcopi catholici cunctis exhibebatEpiscopalis dignitatis pius venerator, bonum opus, quod apostolus gentium Episcopatum depraedicat, continue aemulabat, nunquam beatior, quam dum functiones Episcopales quantumvis graves obeundi, et beneficentiam sive in magno, sive in parvo exercendi copia et occasio illi sese offerebat. Sed ad quid de excellentiis Ejus uberius hic disserere? Ecclesiae et capellae ab Eo exstructae, instauratae, ornatae, scholaria et benefica instituta ab Eo condita vel large succollata, pauperum et egenorum lacrymae in obitu Ejus abunde fluentes, statuta et monita in regimine Dioecesis ab Eo vulgata diu et late gloriam nominis Ejus personant. „ Pertransiit benefaciendo.“ Memoria Ejus in benedictione est, nec oblivioni tradetur unquam. Congeminemus, Clerus et populus, ad aram prout et in devotionibus publicis pariter et privatis, suspiria et preces ad Dominum vitae et mortis, ut Praesulem nostrum optimum, quem sibi fecit esse devotum, in aeternitate clementer suscipere, et quae per fragilitatem carnis humana conversatione commisit, venia misericordis- simae suae pietatis abstergere dignetur, ac beata Maria semper Virgine intercedente cum omnibus Sanctis suis ad perpetuae beatitudinis consortium pervenire apo- stolicisque sacerdotibus adgregari concedat. Tristi hoc casu Sede Episcopali vacante reddita, Venerabile Cathedralis Ecclesiae Jaurinensis Capitulum legibus Ecclesiasticis conformiter in Séssione sua hodie celebrata me infrascriptum Vicarium Generalem Capitularem canonice elegit, in cujus canonicae electionis vim regimen Pastore suo orbatae Dioecesis, auxilio divinae gratiae fretus, in nomine Domini Jesu suscepi. Dum hoc Venerabili Clero Dioecesano perofficiose significo, simul omnes Dilectissimos meos Fratres Sacerdotes Dioecesanos enixe oro ut me in gerendo salubriter gravi munere mihi imposito piis suis ad aram praeprimis precibus benevole juvare velint. In aditu muneris prae omnibus aliis, tam quoad condigne ubique per Dioecesim celebrandas pro anima defuncti Praesulis nostrij exequias, tum quoad alia durante Sedis Episcopalis vacantia observanda, sequentia in Domino disponenda et respective enuncianda censui: i. Die 30-a curr. m. Januarii in singulis Ecclesiis parochialibus, Conventu- alibus et Regularibus, necnon et in filialibus, ubi cultus divinus ordinarie asservari solet, celebretur cum solennitate competenti Missa exequialis Requiem cum Libera pro refrigerio animae defuncti Episcopi nostri, ad quam fideles ex ambone Dominica
