A Győri Püspökség Körlevelei, 1900
Tartalomjegyzék
7 II. Siquidem annus hic, pro universo orbe catholico sanctus, nobis Hungaris eo titulo peculiariter festivus et jubilaris existat, quod memoriam nonies saecularem celebremus conversionis gentis nostrae ad religionem Christianam; ideoque variae in patria nostra hoc anno piae solennitates ac peculiares devotiones, imprimis Missionum popularium, instituantur, peregrinationesque ad loca sacra parentur, quibus in Dioecesi mea initium datum est devotione Missionis in Ecclesia mea Cathedrali a die 12-a usque 22-am Januarii asservata: attenta suspensione generali Indulgentiarum pro anno hoc sancto magni jubilaei Romani per Bullam Quod Pontifícum publicata, sub 2-a Januarii a. c. reverenter requisivi Excellmum D. Nuntium Apo- stolicum, ut a Beatissimo Patre impetrare dignetur illam clementiam, quatenus saltem Indulgentiae praefatis devotionibus et peregrinationibus sacris alias junctae respectu jubilaei nostri regni Mariani, immutatae ac vivis etiam lucrabiles maneant, non obstante praecitata Bulla suspensionis. Ad hanc petitionem his diebus accepi benignum responsum, quod pro solatiosa notitia et directione fidelibus proxima occasione publicandum in subnexo communico. Nuntiatura Apostolica. Viennae, die 28-a Januarii 1900. Nr. 4301. Illustrissime ac Reverendissime Domine! Quae Amplitudo Tua mihi circa Indulgentias sacris Missionibus, peregrinationibus aliisque piis operibus adnexas exponere curavit, Apostolicae Sedi pro meo munere manifestare non praeterivi. Negotium, jubente Summo Pontifice, ad examen revocatum est S. Poenitentiariae, quae omnibus rite ac mature perpensis, hoc, quod sequitur, votum emisit. Scilicet: »Consulendum Sanctissimo, ut dignetur confirmare in Hungáriáé Regno Indulgentias adnexas Missionibus, peregrinationibus aliisque piis operibus, quae fiunt intuitu Jubilaei Hungarici, salva suspensione quoad ceteras.« Quam confirmationem, juxta votum S. Poenitentiariae, Sanctissimus Dominus die 19-a hujus mensis benigne concedere dignatus est. Dum haec Amplitudini Tuae significare festino, libenter hac utor occasione, ut observantiae meae sensus profitear. Amplitudinis Tuae addictissimus famulus -j- E. Archiepiscopus Sebastenus, Nuntius Apostolicus. Jaurini, die 5-a Februarii 1900. In reddendis super peculio ecclesiarum ac piarum fundationum rationibus nonnulli DD. Curatorum recentiori praesertim tempore socordiam et morositatem contestati sunt jam ultro intolerabilem, unde existimationem ipsius Cleri in genere non parum vapulare contingit. Hoc me provocat, imo cogit, ut malo huic severitate condigna occurram. Itaque : i. In virtute sanctae et salutaris obedientiae singulis Curatis peculium sacrum administrantibus strictissime injungo, ut rationes super peculiis ecclesiarum et Nr. 270. Indulgentiae pro devotionibus jubilaei Hungáriáé christianae. Nr. 271. Rationes de peculio ecclesiarum piarumque fundationum praefixo termino reddendae et revidendae.
