A Győri Püspökség Körlevelei, 1900
Tartalomjegyzék
8 Nr. 272. Symbolae piae pro necessitatibus universalis Ecclesiae colligendae. cujusvis nominis piarum fundationum de quovis elapso anno, sem per saltem usque finem mensis Aprilis singuli anni omnino et accurate conficiant paratasque pro revisione habeant. 2. DD. Vice-Archi-Diaconis in ejusdem obedientiae virtute committo, ut rationes omnes ecclesiarum et piarum fundationum sui Districtus, nisi prius fieri possit, infra menses Majum et Junium, ubique in facie loci, in societate repraesentantis Inclyti Patronatus solerter et non superficialiter, seposita omni indulgentia et rectitudinis suppositione, quoad singulas positiones revideant, obligatoriales aliaque documenta perlustrent et quoad securitatem et fidem examinent, rationesque sic revisas ac cum necessariis imo et congruis reflexionibus per ipsos et Patronatus repraesentantem subscriptas in cumulo usque fínem Junii Ordinariatui pro superrevisione exhibeant. Revisio talis, si manca et superficialis serius inventa fuerit, ipsos revisores quoad damnum inde nefors peculiis sacris emergens, juxta administratores in secunda serie, materialis quoque responsionis onere gravabit. — Apud ipsos V.-A.-Diaconos, ceu administratores fiscorum sacrorum, revisionem immediatam, ut praeindicatum est, concernentes DD. Archi-Diaconi peragent. 3. Diem revisionis rationum in facie loci praesuscipiendae, cum V.-A -Diacono Districtuali respective Archi-Diacono cointelligenter praefixam, tempestive ipse ratiocinator Inclyto Patronatui significare illumque invitare obligatur. 4. Contra administratorem peculii sacri, cujus rationes ob ipsius socordiam et morositatem usque finem Junii revideri et Ordinariatui exhiberi nequiverint, officiosa inquisitio cum interventu Incl. Patronatus instituenda abhinc ordinabitur, cujus quidem omne onus et respectiva consectaria morosus et socors ferre cogetur. Spem equidem foveo, singulos peculii sacri administratores ita officii sui memores ac honestatis status sui studiosos luturos, ut adplicatio dispositionis puncti 4 omnino superflua reddatur. Denique omnibus peculiorum sacrorum administratoribus impense commendatum esse cupio, ut Concilii Tridentini Sess. XXII. cap. 11.de Reformatione dispositiones attente perlegant et memoria semper retineant. Jaurini, die 5-a Februarii 1900. Notum est Venerabili Clero, quam graves curae Summum Pontificem, Christi in terris Vicarium, premant ex sollicitudine omnium ecclesiarum, dum legitima S. Ecclesiae Romanae ditione privatus, sicque mediis ad universalem Ecclesiam regendam necessariis orbatus, onera sustentationis diversi generis officiorum Curiae Romanae, legationum in aulis principum, institutorum litterariorum, Missionum ad propagandam inter varias orbis gentes fidem Christi destinatarum, et suscepti restituendae inter Romanam Ecclesiam et Orientales unionis operis — solum e benevolis piis filiorum oblatis et eleemosynis ferre cogitur. Siquidem graves hae curae indigentiaeque ob multiplicia aevi nostri infausta adjuncta in dies augeantur, necesse omnino est, ut pietas nostra et amor filialis communi Patri in arduis angustiis constituto uberiori, quantum fieri potest,
