A Győri Püspökség Körlevelei, 1893
Tartalomjegyzék
65 Nr. XII. Episcopi Hungáriáé Sanctissimo Domino nostro Leoni PP. XIII. occasione jubilaei Ejusdem episcopalis vota sua specialibus litteris homagialibus depromserunt, quarum tenor est sequens: Beatissime Pater! Ouum festivos inter totius orbis plausus, insignibus stipatus ovium agnorumque, quos pascendos susceperas, ameris pietatisque studiis, quinquagenaria suscepti ordinis episcopalis agis solemnia, episcopi Hungáriáé, in hoc voluntario admirabilique animorum concentu, invicta, quam a Rege suo Apostolo velut haereditate accepere, in Sanctam Principis Apostolorum Sedem fidelitate, ad beatos Tuos venerabundi laetabundique provoluti pedes, suum imo de pectore depromtum Sanctitati Tuae testantur filiale homagium, piissimaque aperiunt vota. In veneranda hac natalis Tui festivitate, quae perseverantiam dat gaudiorum, spiritali jucunditate laetantes et exultantes in Domino avente Te, monenteque magno illo Tuo, cujus et potestatis et nominis et gloriaeque haeres existis, Decessore, in primis omnem causam et rationem solemnium Tuorum ad originem suam caputque referimus et Illum debita gratiarum actione laudamus, in Cujus manu et gradus officiorum et momenta sunt temporum. Gratias agimus Largitori Servatorique vitae Domino, qui gloriosum illum Tibi fecit diem, eoque specimen et decus contulit orbi terrarum, solamen atque laetitiam gregis Christi ovibus et agnis. Gratias agimus Deo et Domino Nostro Jesu Christo, qui Te in longe difficili hac temporum conditione ad supremum Apostolatus vocans apicem, per Te, potestatis dilectionisque suae Vicarium, tanta voluit Tua dispensatione in Sanctam suam Ecclesiam derivari bona, quorum in Tui natalis solemniis jucundissima recurrit memoria. Ad totius Ecclesiae vocatus gubernacula, quemadmodum ille, cujus gloriosam sanctamque tenes Sedem, turbulentissimae profunditatis ingrediebaris Oceanum. Moestus ipse cernebas mala, quibus undique foedabatur, premebatur, inque ruinam agebatur hominum genus, horumque malorum causam in eo praecipue sitam esse persuasum tenebas, quod despecta ac rejecta sit sancta illa et augustissima Ecclesiae auctoritas, quae Dei nomine humano generi praeest et legitimae cujusque auctoritatis vindex est et praesidium. Moestus cernebas diuturnum teterrimumque motum adversus divinam Ecclesiae auctoritatem bellum, hujusque furentes impetus maxime adversus Sacrosanctam Majestatem dirigi Romani Pontificis, in quo aeternae ac immutabiles boni rectique rationes Custodem in terris habent et adsertorem. Sed non terrebaris funesta hac aerumnarum mole, dedit enim virtutem, qui contulit dignitatem, vincebatque materiam formidinis vis amoris. Insuperabili Petri fide, quae bellando non cessit, vincendo non tepuit, intrepida Petri dilectione, quam non claustra carceris, non catenae, non populares impetus, non minae regiae exterruerunt, difficillimis rerum constrictus angustiis, nullis hominum fultus subsidiis, Supremi Apostolatus grande suscipis exsequerisque munus Nr. 1452. Homagium Episcoporum Hungáriáé Brno Patri jubilaeum Eppale celebranti exhibitum.
