A Győri Püspökség Körlevelei, 1886
Tartalomjegyzék
75 XTr- XXX. SANCTISSIMI DOMINI NOSTRI LEONIS DIVINA PROVIDENTIA PAPAE XIII. EPISTOLA ENCYCLICA AD EPISCOPOS HUNGÁRIÁÉ. VENERABILIBUS FRATRIBUS PRIMATI ARCHI EPISCOPIS EPISCOPIS ALIISQUE LOCORUM ORDINARIIS IN HUNGÁRIA GRATIAM ET COMMUNIONEM CUM APOSTOLICA SEDE HABENTIBUS. LEO X1IL VENERABILES FRATRES SALUTEM ET APOSTOLICAM BENEDICTIONEM. Quod multum diuque optabamus, ut litteris Nostris opportune liceret affari Vos, quemadmodum Episcopos ex aliis gentibus nonnullis affati sumus, eo videlicet proposito, ut vobiscum consilia Nostra de rebus communicaremus, quae ad prosperitatem cbristiani nominis salutemque Hungarorum pertinere viderentur, id Nobis est per hos ipsos dies optima opportunitate datum, cum liberatam duobus ante saeculis Budam memori laetitia Hungária concelebret. — In domesticis Hungarorum laudibus haec quidem futura est ad perennitatem insignis, majoribus vestris contigisse, ut civitatem principem, quam saeculi unius dimidiatique spatio iiostes insederant, virtute et constantia recuperarent. Cujus divini beneficii ut et recordatio maneret et gratia, merito Innocentius XI. P. M. decrevit, ut postridie calendas Septembris, quo die tanta gesta res est, sacra solemnia in honorem sancti Stephani, primi ex regibus vestris apostolicis, toto orbe christiano agerentur. Jamvero satis est cognitum, suas Apostolicae Sedi, nec sane postremas, fuisse partes in hoc, de quo loquimur, maximo faustissimoque eventu, qui velut sponte consecutus est ex nobilissima tribus ante annis de eodem hoste ad Vindobonam victoifia: quae sane magna ex parte apostolicis Innocentii curis jure tribuitur, et qua parta debilitari Maomethanorum opes in Europa coeptae sunt. — Verumtamen et ante illam aetatem in similibus saepe temporibus Decessores Nostri augendas Hungáriáé vires curaverant consilio, auxiliis, pecunia, foederibus. A Callisto III. ad Innocentium XI. plures numerantur Pontifices romani, quorum nomen honoris causa hoc in genero appellari oporteret. Unus sit instar omnium Clemens VIII., cui, eum Strigo- nium et Visegrad e Turearum essent dominatu vindicata, summa regni Consilia decrevere, ut grates publice agerentur, quod derelictis ae prope desperatis rebus suis ille unus opportune et prolixe opitulatus esset. — Itaque sicut Apostolica Sedes 16 Nr. 2605-
