A Győri Püspökség Körlevelei, 1886
Tartalomjegyzék
1 ^Tr. X. Venerabiles Fratres as Filii in Christo Dilectissimi! In capite novi, quem ingressi sumus, anni omnes et singulos Vestrum in nomine Magistri ac Salvatoris nostri Jesu Christi affectu vere paterno saluto, et singulis faustissima quaeque a Domino precor. Specialem scopum, quem propius contemplari hoc anno nos oportebit, et ad quem assequendum preces nostrae, nostra procedere debebunt eloquia et dirigi cogitationes et opera, hunc inquam scopum Ille designavit, qui Ecclesiam Jesu Christi inter luctantes ventos, tempestatesque sonoras mira sapientia parique patientia regit. Ubi Ille loquitur, nos reverenter silemus et monita Ejus docili animo excipimus. Litteras Beatissimi Patris ad omnes orbis catholici Antistites datas, quibus Idem intentiones suas exponit, ante omnia Vobis tradere constitui, quo iis lectis et relectis mentem Beatissimi Patris plenius assequi, eique conformiter dein agere valeatis. Dispositiones relate· ad devotiones in his Litteris contentas opportuno tempore Vobis notas reddere non morabor. Tenor Litterarum Apostolicarum est sequens. SANCTISSIMI DOMINI NOSTRI LEONIS DIVINA PROVIDENTIA PAPAE XIII. LITTERAE ENCYCLICAE QUIBUS EXTRAORDINARIUM JUBILAEUM INDICITUR. VENERABILIBUS FRATRIBUS PATRIARCHIS PRIMATIBUS ARCHIEPISCOP1S EPISCOPIS ALIISQUE LOCORUM ORDINARIIS GRATIAM ET COMMUNIONEM CUM APOSTOLICA SEDE HABENTIBUS. LEO ILLIZXX. VENERABILES FRATRES SALUTEM ET APOSTOLICAM BENEDICTIONEM. Quod auctoritate Apostolica semel jam atque iterum decrevimus, nt annus sacer toto orbe christiano extra ordinem ageretur, oblatis bono publico coelestium munerum thesauris, quorum est in Nostra potestate dispensatio, idem placet in annum proximum, Deo favente, decernere. — Cujus utilitas rei fugere vos, Venerabiles Fratres, nequaquam potest gnaros temporum ac morum ; sed quaedam singularis ratio facit, ut in hoc consilio Nostro major, quam fortasse alias, inesse opportunitas videatur. -— Nimirum cum de civitatibus superiore epistola Encvclica docuerimus, quanti intersit, eas ad veritatem formamque Christianam propius accedere, intelligi jam licet, 1 Nr. 165. Jubilaeum extraordinarium indicitur.
