A Győri Püspökség Körlevelei, 1883
Tartalomjegyzék
4 ejus honorem complures, quas inter et nostram Cathedralem, miro sane splendore aedificasset Ecclesias, eodem festo Assumtionis BMV. anno 1038. evolavit ad capessendam coronam coelestem. Morti proximus quid egerit, verbis biographi ejus Car- thuitii exhibeo : °) „Tactus febri, cum sibi diem transitus imminere non ambigeret, accersitis episcopis et primis palatii de Christi nomine gloriantibus, primum cum eis tractavit de substituendo pro se rege. Deinde paterne monuit illos, catholicam fidem observare, quam acceperant, amare justitiam, vincula supernae charitatis diligere, et charitati operam dare, humilitatis studio invigilare, prae omnibus vero novellae Christianitatis plantationi custodiam adhibere. His dictis manus et oculos levans ad sydera sic exclamavit: Regina Coeli, reparatrix inclyta mundi, tuo patrocinio sanctam Ecclesiam cum Episcopis et Clero, regnum cum primatibus et populo sub tuis precibus committo, qui ultimum valedicens manibus tuis animam meam commendo.“ Abunde satis innuit, cujusnam patrocinio oporteat nos nostrosque labores commendare. Hujus igitur Magnae Matris et Dominae nostrae cultum fre- \ quentemus et fidelium cordibus instillare non cessemus. Hanc exoremus pro Ecclesia Sancta Dei, pro Rege Apostolico et Regno, pro Clero et populo, ut suos misericordes oculos ad nos convertat, et loquatur pro nobis bona apud Filium suum Jesum Christum. Vertente hoc anno, quo secundo-secularis memoria fundati festi S. Nominis Mariae recoletur, plane opportuna erit occasio cultum hunc potentius commendandi. Habetis, Dilectissimi, prae oculis vestris, etsi paucis, veridicis tamen lineolis exhibitam et pro imitatione propositam imaginem tanti viri. Non est inventus similis illi. Deo itaque infinite misericordi, qui genti nostrae talem ac tantum Benefactorem dedit, agamus gratias. Dein autem ambulemus in splendore et luce propositi istius exempli, et quantum in nobis est, collaborare connitamur, ut in haereditate S. Regis nostri pietas in Deum, adhaesio erga Ecclesiam Catholicam, intemerata fidelitas in Regem Apostolicum, amor non vacuis verbis, sed opere se manifestans in patriam, charitas denique in omnes vigeat et inconcussa perseveret. Gratia Domini nostri Jesu Christi sit cum omnibus vobis. Amen. Jaurini, die 1. Januarii anno Domini 1883. Notae. J) Carthuitius Episcopus, S. Ladislao et Colomanno Regi coaevus, vitam S. Stephani, Colomanno Regi oblatam, capitibus VI. complectens, cap. V. ista habet: „Interjectis quadraginta quinque annis (nempe ab obitu S. Stephani), cum ad praestanda per eum mortalibus misericordiae suae beneficia Sancti sui jam vellet Deus merita declarare, Romanae Sedis institutione, apostoliéin litteris sancitvm est, ut eorum corpora elevari deberent, qui in Pannonia Christianae fidei jacientes semina, sua eam praedicatione vel institutione ad Dominum convertissent; adveniente vero tempore declarationis ejus, et laudibus gratiae ejus, quam per ipsum gens hungarica promeruit, in mundo divulgandae, Rex Ladislaus, qui tunc rempublicam administrabat, universa morum honestate praeclarus habitus et virtutum fulgore conspicuus, laudibus et servitio Dei perfecte deditus, Spintus Paracliti per lustratione tactus, habito consilio cum Episcopis et primatibus et totius Pannoniae sapientibus, triduanum cunctis indixit jejunium, ut quod communi Catholicorum utilitati, Spiritus Sancti donis animarum et corporum salutem operantibus, videretur fore proficuum, commune cun-
