A Győri Püspökség Körlevelei, 1883
Tartalomjegyzék
7 Notum est Venerabili Clero e pagellis publicis, Beatissimo Patri in votis esse, ut tertius S. Francisci ordo, ubi ad finem proximi saeculi florere cessavit, imo penitus exstinctus nec adusque resuscitatus est, iterum resuscitetur, et fidelibus impensius commendetur. Siquidem in confesso sit, similes sodalitates, quae facilius coadunantur, quam in flore conservantur, tunc nonnisi optato respondere fini, si speciales suos Directores habeant: nec litteras Suae Sanctitatis publicavi, nec quidquam in hoc negotio egi prius, quam PP. Provinciales provocassem, ut Directores designent in suis Conventibus, qui fideles tertio huic ordini adscribi cupientes instruant ac manuducant. Foti cum iis epistolarum commercii resultatum est, Directores tum in Conventibus Kismartonensi et Boldogasszony ensi, tum in Tataensi Ord. S. Francisci designatos haberi, nec quidquam jam obstare, quominus coadunationi Tertiariorum in dictis Conventibus initium detur. Hunc in finem Ven. Clerum Curatum provocandum duxi, ut, exposita opportuna occasione Sanctissimi Patris Encyclica, commendatisque idoneis libellis id agant, quo votis Beatissimi Patris satisfaciendo, suorum etiam fidelium spirituali emolumento consultum pergant. Fideles Tertiariis adscribi desiderantes DD. Curati consignent, et ad alterutrum e designatis Conventibus elenchum eorum fine inmatriculationis et directionis transponant. Tenor Encyclicarum Beatissimi Patris est sequens : Nr. 101. Litterae Apo- stolicae de tertio S. Francisci ordine propagando. VENERABILIBUS FRATRIBUS PATRIARCHIS, PRIMATIBUS, ARCHIEPISCOPIS ET EPISCOPIS UNIVERSIS CATHOLICI ORBIS GRATIAM ET COMMUNIONEM CUM APOSTOLICA SEDE HABENTIBUS. VENERABILES FRATRES SALUTEM ET APOSTOLIC AM BENEDICTIONEM. Auspicato concessum est populo christiano duorum virorum memoriam brevi temporis intervallo recolere, qui ad sempiterna sanctitatis praemia in coelum evocati, praeclaram alumnorum copiam, tamquam virtutum suarum perpetuo renascentem propaginem, in terris reliquerunt. — Siquidem post saecularia solemnia ob memoriam Benedicti, monachorum in Occidente patris legiferi, proxima est occasio non dispar habendorum publice honorum Francisco Assisiensi, septimo, post quam natus est, exeunte saeculo. Quod sane contingere benigno quodam divinae providentiae consilio, non immerito arbitramur. Nam oblato ad celebrandum tantorum patrum natali die, homines admonere Deus velle videtur, ut summa illorum merita recordentur, simulque intelligant, conditos ab iis virorum religiosorum ordines tam indigne violari minime
