A Győri Püspökség Körlevelei, 1878
Tartalomjegyzék
Nr.I YeneraMles Fratres ac Filii in Christo Dilectissimi! In capite novi anni labia nostra aperientes primo et ante omnia Regi se- culorum immortali et invisibili, in quo vivimus, movemur et sumus, et sine cujus nutu nec capillus de capite nostro cadet, dicamus laudem, gloriam et honorem. Ipse sit nobis in hoc procinctu suffragium, in via solatium, in aestu umbraculum, in frigore tegumentum, in omnibus adversitatibus, quae Ecclesiae nostrae hoc anno impendere videntur et nos jugiter terrent, tutum praesidium. Multum profecto trepidationis facit nobis adjunctorum circa nos consideratio; quocunque enim oculos convertamus! utplurimum mala, utplurimum luctuosa occurrunt nobis. Italia, selecta nuper verae religionis sedes, per integrum jam decennium et ultra intestinis motibus turbatur, et irreligio, libertate Ecclesiae conculcata, ibidem dominari pergit. Templa profanata, cultus divinus impeditus, bona Ecclesiae direpta, institutio religiosa proscripta, haeresis et schismatis effrontior usque praepotentia, omnis denique impietatis progressus animam nostram amaritudine replent. In medio harum calamitatum supremus Ecclesiae navarchus, qui luctantes veritos tempestatesque sonoras gravi adusque pressit imperio, innumeris diuturni sui pontificatus laboribus jam fessus, annorum pondere fatiscens, injustitiis et injuriis saturatus ad Deum, qui his fluctibus solus imperare novit, levat oculos manusque et cunctos fideles ad idipsum faciendum fide plenus et animo semper fortis adhortatur. In occidente nobilissimum Galliarum regnum, catholicae religionis non semel et decus et praesidium, aemulatio eorum, qui coronam ambiunt, invalescens inimicorum Ecclesiae audacia, acerbissimae de adoptanda regiminis forma concertationes, haec, inquam et alia, quae ex infaustissimis bellis redundarunt, mala misere debilitare pergunt. In Helvetia et Imperio Germano-Borussico atrocissimus necdum retnisit persecutionis furor. Episcopi harum regionum patria extorres, fideles animarum curatoribus orbati, iidemque cultus divini^ institutionis religiosae sacramentorumque so- latio destituti — sicut oves balantes insidiis, imo impetui rapacium luporum expositae — quaerunt, ast apud gubernia non inveniunt lenimen; iniqui enim persecutores, sicut aspides surdae, obturant aures suas et obsecrationibus et protestationibus 1 Nr. 150.
