A Győri Püspökség Körlevelei, 1875
Tartalomjegyzék
22 Nr. 371. Declarationes S. Poeniten- tiariae quoad Jubilaeum. munionem admissis in vicem Communionis Confessarii injungent orare 3 Pater et Ave. 7. Confraternitates et Collegiorum Scholares, si stationes processionaliter visitaverint, in vicem quindenae, quatuor tales supplicationes instituent. 8. Opera charitatis, eleemosynas, jejunia etc. . . siquidem haec inter conditiones lucrandarum indulgentiarum hac vice non memorentur, privatae singulorum pietati commendamus. Cujus rei etiam fideles moneantur. 9. Ultima die anni cum devotione gratiarum-actoria vespertina, sermone sacro de perseverantia in bono, litaniis et hymno Ambrosiano, denique benedictione cum Sanctissimo etiam Jubilaeum claudetur. 10. Siquidem Jubilaeum usque finem currentis anni perduret , et visitationes Stationum diebus etiam non continuis peragere liceat: evenire poterit, ut fidelium quidam alio tempore sint peracturi S. Confessionem et Communionem, alio item Stationum etsi interpolatam visitationem. Zelus itaque et cura pastoralis exiget, ut per decursum totius anni in sacris sermonibus de scopo et spiritu instituendae devotionis identidem fiat institutio et adhortatio, Litterarum Apostolicarum, alioquin iterato legendarum et relegendarum, tenore abundantissimam dicendi segetem suppeditante. — Spiritus Sancti gratia illuminet sensus et corda vestra! Jaurini, die 12. Februarii 1875. Sacra Poenitentiaria, mandatis obsequens Sanctissimi Dni PII PAPAE IX, super petitionibus a nonnullis locorum Ordinariis Sanctae Sedi oblatis, occasione Jubilaei anno proxime elapso, die 24. Decembris indicti, haec, quae sequuntur, ex Apostolica auctoritate declarat. 1. Ne quis fidelium ob Ecclesiae visitandarum defectum a lucrando Jubilaeo impediatur, Sanctitas Sua locorum Ordinariis facultatem concedit, in iis locis, in quibus praedictus Ecclesiarum defectus verificetur, designandi minorem Ecclesiarum numerum, seu etiam unam, si unica tantum adsit Ecclesia, in quibus, seu in qua, fideles aliarum Ecclesiarum visitationes peragere possint, eas vel eam visitando iteratis ac distinctis vicibus , eodem die naturali vel ecclesiastico , usque ad integrum numerum in Apostolicis Litteris praescriptum. — 2. Indulget insuper eadem Sanctitas Sua, ut, durante Jubilaeo, fideles rite dispositi absolvi possint etiam a crimine haeresis; firma tamen obligatione abjurandi errores seu haeresim, reparandi scandala etc. prout de jure. — 3. Declarat vero, vi praesentis Jubilaei una tantum vice absolvi posse a censuris et casibus reservatis, et similiter semel tantum acquiri posse ipsius Jubilaei indulgentiam; manere tamen in suo vigore indulgentias a Sancta Sede concessas et expresse non suspensas aut revocatas. — 4. Declarat, unica Confessione et Communione non posse satisfieri praecepto paschali et simul acquiri Jubilaeum. — 5. Non posse autem absolvi Confessarios, qui complicem absolvere ausi fuerint. — Contrariis quibuscumque non obstantibus. — Datum Romae in S. Poenitentiaria die 25. Januarii 1875. — ANTONIUS M. CARD. PANEBIANCO Μ. P. Laurentius Canonicus Peirano S. P. Secretarius. Jaurini, die 12. Februarii 1875. τ τλ · ____ Jo annes m. p., Jhpiscopus.
