A Győri Püspökség Körlevelei, 1875

Tartalomjegyzék

21

Habetis, Venerabiles Fratres ac Filii in Christo Dilectissimi, tenores Litterarum Apostolicarum, e quibus scopum specialem supplicationis istius, durationis tempus, lucrandarum item indulgentiarum conditiones, quas inter Sacra Confessio et Communio principalis est, cognoscere vobis licuit; haud secus etiam Confessariorum, alias in Dioecesi hac adprobatorum et Jurisdictione pro foro interno gaudentium facultates, harumque limitationes. Superest, ut aliqua ad rectum ordinem necessaria Auctoritate jam Ordinaria, jam in Litteris Apostolicis Nobis data declaremus. Itaque:

1. Dominica II. post Pascha publicetur fideli populo ex ambone instans Jubilaeum, perlegendo instructionem nostram lingua vulgari hac occasione ad populum datam.

2. Dominica III. post Pascha initium dabitur devotioni per solemnem S. Spiritus invocationem. Hoc scopo habeatur sacer sermo, post hunc cantetur: „Veni Creator Spiritus“ cum versiculo et oratione, dein si tempestas faverit, ducatur processio ad vicinam Ecclesiam vel crucem cantando litanias Omnium Sanctorum, et in loco visitato orentur preces litaniis his adnexae. Tempestate autem haud favente, haec in ipsa Ecclesia terminentur. In Ecclesia dein principali, ubi devotio incepit, celebretur Sacrum Solemne.

3. Jubilari devotione sic aperta, privatim incipient fideles visitare Ecclesias, quindecim diebus continuis, vel pro ratione adjunctorum interpolatis, singula die nonnisi semel. Pro visitatione designantur : J a u r i n i Ecclesiae Cathedralis, Carmelitarum, Benedictinorum, Ursulinarum ; SoproniiS. Michaelis, Sancti Georgii, Ursulinarum, Dominicanorum; Kismartonii utraque Parochialis, Misericordiano- rum, Franciscanorum; Tatae Parochialis, Piaristarum, Capella Calvariae, Capuci- norum; Magyar-Óvárini Parochialis, Piaristarum, Xenodochii, et Capella coemeterii. In caeteris parochiis et locis ipsi DD. Parochi, qui adjuncta optime noverunt, determinabunt Ecclesias, Capellas, Cruces, Statuas, aut in horum defectu altaria, verbo stationes quatuor, — ad quas devotio visitationis peragetur. Ad singulam stationem oretur ad intentionem in Litteris Apostolicis expressam quinquies Pater et Ave, item 1 Credo. — Suapte autem intelligitur, integrum esse DD. Parochis has stationum visitationes tribus quatuorve vicibus , diebus potissinmm Domini cum fideli populo, favente tempestate, etiam processionaliter peragere , quod pro ratione adjunctorum probatae singulorum prudentiae relinquitur. Illud certum est, hac publica supplicatione pietatem populi multum augeri, fuisseque hanc consuetudinem aliis etiam sub Jubilaeis frequentatam.

4. Moniales et Sorores Congregationum, cum puellis in domo religiosa vitam ducentes, in ipsa domo poterunt peragere preces has; invicem autem visitationis orabunt semel per diem litanias de Sanctissimo nomine Jesu.

5. Confessiones Monialium excipient DD. Canonici utriusque Capituli, Patres item Carmelitae et Dominicani, item alii, quos alias adprobatos, petentibus Monialibus, DD. Directores Claustrorum illuc destinaverint.

6. Captivis et infirmis in vicem visitationis, et parvulis necdum ad S. Com4