A Győri Püspökség Körlevelei, 1875
Tartalomjegyzék
7 Pia eaque perantiqua consuetudo est, feria VL, hora tertia pomeridianä ad recolendam Dominicae agoniae memoriam fideles pulsu campanae invitare. Consuetudo haec in plurimis Dioecesis Jaurinensis parochiis viget, et a fidelibus religiosissima pietate fovetur. In \Totis mihi est, illam ita universalem reddere, ut de- caetero nulla omnino in Dioecesi sit Ecclesia, in qua hic mos non vigeret. Lugubris Ecclesiae Catholicae status potenter provocat nos, ut corde contrito nos omnem- que Ecclesiam Jesu Christi, qui pro nobis passus et mortuus est, ferventissime commendemus et rogemus, ut suis famulis subveniat, quos pretioso sanguine redemit. Benedictus XIV. Pontifex anno 1740. die 13. Decembris centum dierum indulgentias concessit iis, qui feria VI., hora tertia pomeridiana flexis genibus orationem Dominicam et salutationem Angelicam quinquies devote oraverint. Dum itaque DD. Curatores animarum, in quorum parochiis sancta et salutaris haec consuetudo hactenus observata non fuerat, ad eam decaetero frequentandam praesentibus invito et in Domino hortor, textum apostolicae Constitutionis haec disponentis in sequentibus republico: Nr. 3. De pulsu cam- pauae in memoriam agóniáé D. N. Jesu Christi BENEDICTUS PAPA XIV. Ad perpetuam rei memoriam. Ad Passionis et Agoniae Redemptoris, et Domini Nostri Jesu Christi, unde nobis vita, salus, et resurrectio manavit, memoriam in omnium Christifidelium animis excitandam atque fovendam Coelestibus Ecclesiae Thesauris, quorum dispensationem Nobis credidit Altissimus, omnibus et singulis Christifidelibus, qui singulis Feriis Sextis totius anni, hora tertia post meridiem, ad sonum Campanae Ecclesiarum Metropolitanarum, Cathedralium, et Parochialium (quarum Parochis, Rectoribus , aliisque quocunque nomine appellatis Superioribus, ut Campanam unius cu- jusque Ecclesiae hujusmodi pulsari faciant, injungimus, et in virtute sanctae obe- dientiae mandamus) flexis genibus quinquies Orationem Dominicam et toties Salutationem Angelicam devote recitaverint. et oraverint, ac pro Christianorum Prin- cipum concordia, haeresum extirpatione , ac Sanctae Matris Ecclesiae exaltatione , necnon salutari perditorum hominum emendatione pias ad Deum preces effuderint, centum dies de injunctis eis, seu alias quomodolibet debitis poenitentiis in forma Ecclesiae consueta relaxamus , praesentibus perpetuis futuris temporibus valituris. V olumus autem, ut earundem praesentium literarum transumptis, seu exemplis etiam impressis, manu alicujus Notarii publici subscriptis , et sigillo personae in Ecclesiastica dignitate constitutae munitis eadem prorsus fides habeatur , quae haberetur ipsis praesentibus , si forent exhibitae, vel ostensae. Datum Romae apud Sanctam Mariam Majorem sub Annulo Piscatoris, die 13. Decembris 1740. Pontificatus Nostri Anno Primo. I). Cardinalis Passioneus. Jaurini, die 1. Januarii 1875.
