A Győri Püspökség Körlevelei, 1873
3 visitassemus, insistentes iis, quae in Conferentiis nostris pastoralibus die 22. Octobris anni proxime elapsi 1872. habitis enunciata sunt, Visitationem Generalem Dioecesis Nostrae praesentium vigore indicimus ac publicamus, et seposita omni haesitatione fructum fatigiorum a Domino firmiter exspectamus. Hunc in finem cum praesentibus Circularibus dimittimus puncta, juxta quae Responsa concinnanda erunt, quae ubi concinnata fuerint, DD. Vice-Archi-Diaconis, qui alioquin etiam in hac re caeteris exemplo sint, tradentur. Hi Responsa jam adornata esse Nobis significabunt, ipsa tamen Responsa apud se retinebunt. Percepta DD. Vice-Archi-Diaconorum de his Responsis relatione confestim indicabimus, num Nos ipsi, vel alter aliquis et quando sit ad oras illas venturus, qui ibi Visitationem peragat. Diem Visitationis inclytis Patronis Ecclesiarum, fidelique populo praevie annunciandam esse suapte intelligitur. Notariorum munere, qui e mente Concilii Tridentini actui Visitationis intervenire debent, in singulo Districtu e Nostro annutu bene fungentur DD. Notarii Districtuales, vel Visitatorum Districtualium unus aut alter; erga quos Nos plena fiducia et aestimio ferri jam nunc cum gaudio manifestamus. Peragenda autem erit haec Visitatio sine Solemnitatibus, luctui, in quo Ecclesia est, utique haud convenientibus, item sine superfluis expensis, sed frugaliter, sicut Tridentini Patres volunt. Acta autem ad finem perductae Visitationis, manu Notarii rectificata et debite subscripta intra unum mensem, ni prius, Nobis exhibebuntur. Haec sunt Venerabiles Fratres ac Filii in Christo Dilectissimi, quae pro ordinando momentoso hoc labore Vobis tempestive, quo negotium perfectius peragi valeat, annunciare voluimus. Accingite Vos labori, operi in nomine Domini sine mora manum admovete, et Deus, pro cujus gloria laborare intendimus, dirigat mentes, cordaque nostra. Illi gloria in saeculorum saecula. Arnen. Dabamus Jaurini in Residentia Nostra Episcopali, Festo Epiphaniae Domini, anno 1873., Episcopatus nostri sexto. Joannes m. pEpiscopus. 'Quae circa disciplinam jejunii sub S. Quadragesima in Literis meis Circularibus de anno 1871. Nr. II. praescripseram , ea hoc quoque anno observari volo, relicta tamen, ut anno priori, DD. Parochis, qui quoad suos fideles propter peculiaria eorundem adjuncta aliam dispositionem magis salutarem fore existimarent, hoc in merito ad me recurrendi facultate. Jaurini, die 12. Januarii 1873. Nr. 187. De jejunio Quadragesi- raali. l*
