A Győri Püspökség Körlevelei, 1871
4 Schema con- sangv. aut affinitatis iu recursibus pro dispensatione rite adparan- dum. Nr. 188. Nr. 190. Aedes bene- ficiales assecurandae. In memoriam revoco Hon. Clero Curato Dioecesis istius Ordines altiores, vi quorum arbores consanguinitatis et affinitatis libellis supplicibus pro impetranda in gradibus dispensatione sive ad meum Officium sive Romam directis adjiciendae, praeter D. Parochum per alterum etiam Sacerdotem, nempe qui indigitatos gradus in matricula, vi muneris testificandi, reinventare tenetur, subscribi debent. Ab hac norma nemini recedere integrum est. Hac via obtinebitur, ut error, quem nequis in computando committere potuisset, alterius Sacerdotis sagacitate detegatur, et plurimis incommodis, quae ex invalida dispensatione tum D. Curatis tum desponsis obvenire possent, pro nostro posse occurratur. Ex his sequitur pro consubscribentibus nonnisi eos posse adhiberi, qui matriculas ipsi legerunt et exhibitam arborem, et in ea non solum nomina, sed et cognomina concernentium expendentes, eam cum Matriculis concordare invenerunt. Jaurini, die 15. Jan. 1871. Var iis illis, aliquando vix eluctabilibus, perplexitatibus, quae in sequelam incendii tum Beneficiatos tum Patronos aut ipsos fideles maxima sollicitudine replent, occurrere cupiens iterum provoco D. Curatos Dioecesis meae, ut non solum Ecclesias, sed et domos parocliiales imo et partes hujus oeconomiae inservientes omnes omnino contra incendii pericula apud aliquam societatem, si alter haud suppetat, illo saltem qui in Circularibus anni 1869. Nr. II. indigitatur, modo secura reddere non omittant. Alioquin ipsi D. Curati optime norunt, quam difficile sit saepe eos, quos Ecclesiae, domus parochialis aut partium oeconomicalium reaedificandarum onus e legum tenore manet, ad satisfaciendum obligationi permovere. Justa profecto evaderet indignatio inclyt. Patronorum et fidelium, si succursu a Societatibus alias obtinendo negligentia D. Curatorum privarentur. Jaurini, die 15. Januarii 1871. Joannes m. p., Episcopus.
