A Győri Püspökség Körlevelei, 1870
35 JTr. VIII. Venerabili Clero seculari et regulari Dioecesis Jaurinensis! ln Oecumenica Vaticana Synodo congregati Archi-Episcopi et Episcopi Hungáriáé considerantes, praeceptum abstinentiae ab esu carnium Sabbatis per annum cum ob fre- quentiorem suorum fidelium cum provinciarum Austriacarum, in quibus praeceptum illud non tenet, consvetudinem, tum ob piscium, butyri porro, aliorumque idmodi esculentorum caritatem non in civitatibus solum, sed ruri quoque frequentissime violari, exinde- que Confessariis in sacro Poenitentiae tribunali magnas multasque molestias creari: supplicuerunt Sanctissimo Domino nostro, ut praeceptum abstinentiae diebus Sabbati per annum extra quatuor tempora et S. Quadragesimam pro Ecclesiae catholicae in Hungária fidelibus benigne relaxare, iisdemque insuper feriis sextis per annum, nec non in Festorum jejunio consecratis vigiliis usum cujuscunque pinguedinis concedere dignaretur. Erga hanc supplicationem sequens emanavit Rescriptum Apostolicum: Nr. 910. De mitigata jejunii et abstinentiae disciplina. Pius Papa IX. Venerabilis Frater Salutem et Apostolicam Benedictionem. Fx suprema, quam uti Beati Petri successores gerimus in Ecclesia Dei auctoritate, ecclesiasticas leges gravissimis adducti causis quandoque in bonum et commodum fidelium relaxamus, praesertim quum id per Sacrorum Antistites a Nobis expostulatur. Jamvero quum Hungarici Regni Venerabiles Fratres Archiepiscopi, Episcopi, ac Praesules Nullius Dioecesis una tecum, ut fidelibus tuarum Dioecesium nonnulla, quod ad abstinentiam carnium quibusdam diebus ab Ecclesiae legibus praescriptam concedere velimus, petierint, Nos rationum momentis ad rem prolatis maturo examine perpensis hujusmodi postulationibus annuendum existimavimus. Quare omnes et singulos, quibus hae Litterae Nostrae favent, pastoralis Nostrae charitatis affectu prosequi volentes, et a quibusvis excommunicationis, et interdicti, aliisque ecclesiasticis censuris, sententiis et poenis quovis modo vel quavis de causa latis, si quas forte incurrerint, hujus tantum rei gratia absolventes, et absolutos fore censentes, Tibi Venerabilis Frater, Apostolica auctoritate Nostra potestatem ad septennium duntaxat duraturam facimus, cujus vi omnes et singulos tuae Strigoniensis Dioecesis fideles ab abstinentia carnium Sabbatis cujuslibet hebdomadae, iis tamen exceptis, quae jejunio consecrata sunt, ab9
