A Győri Püspökség Körlevelei, 1869
4 lium nostrorum. Nostrum est, omni virium contentione in id adniti, ut fidelis populus doctrinam salutis edoceatur et ad aeterna tabernacula feliciter deducatur. „Salutaris doctrinae fontes — sunt verba Benedicti XIY. B) — immensa Dei bonitate humano generi reseratos ad alendas ac roborandas potissimum teneras Ecclesiae plantas assidua cura derivari, et singulis quibuslibet succrescentibus stirpibus abunde propinari cupimus, ut veniens statuto tempore coelestis Paterfamilias ac debitos ex eis fructus requirens, non ipsas tamquam infructuosas succidi et in ignem mitti jubeat, sed in beata coeli vireta aeternum victuras per suam misericordiam transferri concedat.“ Praedicemus itaque verbum, instemus opportune, importune, arguamus, obsecremus, increpemus in omni patientia et doctrina. His de munere praedicandi Verbi divini brevi sermone adtactis, et iis, ad quos pertinent, commendatis, transeo ad secundum medium aedificandae domus Dei, et paucis apicibus explano verba Pontificalis superius allegata: „Sit odor vitae vestrae delectamentum Ecclesiae Christi.“ — Qui ex Deo est, verba Dei audit: qui ex Ecclesia est, verba Ecclesiae audiat. Ecclesia Catholica a sui exordio plurimas tulit leges de vita et honestate Clericorum agentes, eas identidem repetiit probe gnara, verba movere, exempla trahere. Pro certo habuit habetque eadem, nihil esse, quod alios magis ad pietatem et Dei cultum assidue instruat, quam eorum vita et exemplum, qui se divino Ministerio dedicarunt. Cum enim a rebus seculi in altiorem sublati locum con- spiciantur: in eos tamquam in speculum reliqui oculos conjiciunt, ex iisque sumunt, quod imitentur. 7) Ardeat itaque in nobis Spiritus orationis, quo ceu pennis adtollamur ad Sanctuaria Dei; vigeat in nobis zelus domus Dei, zelus officii, zelus salutis animarum, charitas gemina, Dei scilicet et proximi; facta nostra ubique annuncient internum vigorem fidei nostrae; Sancta sancte tractemus, cum timore et tremore stemus ad offerendum. Ardeamus, Dilectissimi! et luceamus, ut alii videntes opera nostra glorificent Patrem nostrum, qui in coelis est. Solum ardere parum, solum lucere absque interno ardore vanum est, ardere et lucere simul·perfectum. Sit nobis conversatio casta; sit sermo, qui labia sacerdotis non contaminet, sed audientes aedificet; in ipso nostro vestitu , in ipsa adeo distractione nihil nisi grave, nisi moderatum, nisi religione plenum adpareat. Suspiciones autem, ne fingantur, ante devitemus. In omnibus nosmetipsos praebeamus exemplum bonorum operum in doctrina, in integritate, in gravitate, ut bonus odor Christi esse valeamus, quod Ipse per suam gratiam nobis concedere dignetur. Procedamus in pace, in Nomine Domini nostri. Amen. Jaurini, die 1-ma Januarii 1869. Nr. 66. Dispensatio in lege s. jejunii quadragesi- malis. Quoad dispensationes in lege s. jejunii quadragesimalis ea, quae in Circularibus anni 1858 Nr. II. pag. 16. 17. praecepta fuere in memoriam revoco, eaque pro observantia hisce praescribo. Jaurini, die 6. Januarii 1869. Joannes m. p. Episcopus. ’) Bull. Salutaris. 1746. VII. idus. Martii. — 7) Trid. Scss. XXII. cap. 1. de Reform.
