A Győri Püspökség Körlevelei, 1868
71 Λ>. XJT. Venerabili Clero Curato Dioecesis Jaurinensis. Omnibus et singulis Dioecesis hujus Sacerdotibus notas esse credo leges, quae primis diebus currentis mensis Decembris in Comitiis Regni latae nuperrime supremam Sanctionem Augustissimi Regis Apostoliéi obtinuerunt. Ex his illae, quae rem institutionis popularis, correlationem civium variis in regno Confessionibus addictorum, denique fora judiciaria pro cognoscendis causis matrimonialibus Christianorum in mixto connubio viventium destinata pertractant, nos propius concernunt. Non deerit mihi occasio et tempus de legibus his, ubi eae in officiosis fascicu- hs — „Országos törvénytár“ lucem publicam conspexerint, et post quindecim dies ab editionis istius tempore computandos obligare inceperint, Yen. Clero complura scribendi. Nunc ea tantum attingere festino, quae omnes et singuli DD. Curatorum jam nunc scire debent. De scholis elementaribus notum esse volo DD. Curatoribus animarum, legibus novis id intendi, ut res scholastica ubique floreat, et fructus ferat quam abundantissi- mos. Hunc in finem singularum Confessionum asseclis salva relinquitur libertas scholas confessionales (felekezeti) condendi, coordinandi, dirigendi, magistros constituendi et, sicut occasione discussionum Comitialium enunciatum est, etiam dimittendi. Status publicus jus supremae inspectionis quoad omnes totius Regni scholas sibi vindicat, certas praescribit qualitates, quibus scholae etiam Confessionales pollere debent, imo certa inter adjuncta erigere intendit scholas communes (közös iskolák) seu nulli Confessioni proprias, in quibus tamen doctrina religionis pro Confessionum asseclis per respectivos Curatores animarum proponetur. Hoc ipsum dicendum est de viginti praeparandus sum- tibus status publici erigendis. Has tamen scholas communes Ecclesia Catholica calculo suo nunquam probavit, nec enim concedere potest, ut principia Religionis in Cate- chismo proposita per magistros ceterarum disciplinarum quandoque irreligionis veneno inficiantur; sed vehementer cupit, ut salutaris doctrina per Religionis magistrum tenerrimis cordibus prolium instillata per ceterarum scientiarum magistros continuo foveatur et majora usque capiat incrementa. Scholae nostrae hactenus exclusive Confessionalem i. e. Catholicum habuerunt characterem, quem ut deinceps quoque retineant, a nobis Catholicis plurimum dependebit. Agamus itaque, ut scholae nostrae requisitis nova lege qualitatibus et dotibus instructae sint, nec ex adverso propter aliqua emolumenta materialia independentiam earum Confessionalem periculo exponamus. Sola suprema Status inspectio characteri scholarum nostrarum Catholico nihil sane nocebit. Sic fiet, ut e scholis nostris et omnes 17 Nr. 3021. De novis legibus.
