A Győri Püspökség Körlevelei, 1868
23 ordini mox omnes Confraternitates SS. Altaris Sacramenti se conformarunt ita, ut cum devotione perpetuae adorationis ipsae Confraternitates quodammodo coalescerent. Placuerunt haec plurimis Episcopis Belgii et Galliae, sic namque etiam pagorum incolae participes fieri poterant eorum bonorum spiritualium, quibus in devotione quadraginta horarum ob diuturnum tempus, plures expensas et caerimonias solae opulentiores civitates fruebantur. Piissima Domina, Imperatrix et Rex Apostolica Maria Theresia pro eo, quo adorationem SS. Eucharistiae frequentiorem reddere nitebatur, zelo, provocavit 41) Antistites Hungáriáé, ut ad normam Leodiensem perpetuam adorationem SSmi in suas Dioeceses ipsi quoque introducerent. Mox editi fuerunt Ordines, in Dioecesi hac Jauri- nensi ddto 19. Decembris 1772., quibus et methodus adorationis perpetuae exponitur, et distributio dierum per amplissimam eo tempore Dioecesim Jaurinensem exhibetur. Alioquin Confraternitates SS. Eucharistiae, quales in patria nostra olim plures viguisse constat, tales fuere in Dioecesi Agriensi 1386., 12) item in A.-Dioec. Strigoniensi Leu- csoviae 1402., 13) cui ipse Sigismundus Imperator et Barbara Regina, qua confratres adscribi voluerunt; saeculo autem XVIII. aliae copiosae, — hae inquam Confraternitates huic ordini ubique semet junxerunt, sicque devotioni huic Indulgentiae copiosae accesserunt. Devotioni huic initium datum est 1773. die 1. Januarii in Ecclesia Nostra Cathedrali, dein decurrit illa per totam Dioecesim totumque annum, exceptae fuere solum Feria V., VI., et Sabbatum Hebdomadae Sanctae, die autem intercalari in Bissextili devotio haec in Cathedrali erat peragenda, quae hodie 29. Februarii frequentatur. Quo devotio haec Augustissimo Sacramento dignius peragatur, provocati fuere Curatores animarum, ut aliquos adminus e parochianis suis, cum consensu ipsorum, per horas diei dividant, qui continuis et successivis horis Numen Eucharisticum in templo adorent, ne Sanctissimum expositum ulla hora suis adoratoribus destituatur. „Ipsa autem die Devotionis — habet laudata Methodus de 19. Decembris 1772 — „mane tertio quadrante ad sextam signum campana detur, ac hora sexta Sanctissimum Sacramentum exponatur, 14) et Sacrum lectum celebretur, sub quo seu Corona Mariana recitari, seu aliae orationes vel cantilenae absolvi poterunt. In ea vero Ecclesia, in qua ob defectum plurium Sacerdotum nonnisi unum Sacrum celebrari quiverit, modo dicta expositio absque Missa cum aliquo solum cantu et orationibus fiat, et in qualibet Ecclesia continuo usque horam sextam vespertinam perduret. Circa horam nonam vel mediam decimam Missae Sacrificium observatis Missalis Rubricis solemniter decantetur, et sacer Sermo de Mysterio et effectibus hujus Sacramenti ad populum habeatur. A meridie, si Vesperae servari consueverunt, more recepto serventur. Demum praemisso Campanae signo hora sexta Litaniae peragantur, quibus absolutis Venerabile reponatur, et finis devotioni huic imponatur.“ Ad augendam magnificentiam Devotionis, inflammandamque fidelium pietatem, ubi per facultates licuerat, scabella pro fidelibus in serie adoraturis parata, panno u) 1772, die 11. Septembris. — 12) Battliiinyi Leges Ecci. Hung. III. p. 284. — I3) Batthiányi ibid. p. 382. — 14) Ordinarie ad aram majorem exponitur apud nos, juxta monita S. Caroü Bor. Aet. Ec. Med. II. p. 518. et ad illam plura etiam sacra celebrari solent. 5*
