A Győri Püspökség Körlevelei, 1868
JUU Circulares Dioecesanae. Λ ι·. Venerabiles Fratres ac Filii in Christo Dilectissimi!-Lncepimus Deo auspice novum annum incerti, quid importuoso hoc tempore eventurum sit nobis. Procedimus nihilominus et quidem in pace attollentes manus oculosque nostros ad Eum, sine cuius nutu nec capillus cadet de capite nostro. Adjutorium nostrum innomine Domini. Ipse est illuminatio nostra ad cognoscendam viam, in qua medias inter vicissitudines ambulare nos oportet. Ipse dabit vires ex alto, ut quae facienda cognoverimus, ad ea opere etiam implenda convalescamus, in omnibus placere contendentes Ei, qui nunquam sua gubernatione destituit, quos in soliditate suae dilectionis instituit. Nemo Vestrum, VV. FF. et Filii Dilectissimi ignorat, quanta rebus nostris undique immineant pericula, quantis procellis et fluctibus quassetur ipsa Ecclesiae petra, quantum adhibeant conatum veritatis hostes, ut catholicam Ecclesiam sibilis explodant, conturbent, subvertant, et conviciis, ironiis, sarcasmis pene exanimatam deleant, ipsi coeco perciti furore. Licet autem tempestas per nefarios impietatis ministros concitata proxime centro Ecclesiae ac capiti visibili impendere videatur, terret illa nihilominus omnes; scimus namque percusso pastore dispergi gregem et capite infirmato ac jugiter lacessito de incolumitate membrorum conclamatum esse. Causa Pontificis Maximi totius catholicae Ecclesiae causa est. Hostes Ecclesiae, tametsi nuper profligati et humiliati, nequaquam quiescunt, sed inemendabiles novitus colligunt vires, ut novo assultu facto, quod occupare hactenus frustra tentarunt, nunc in suam redigant potestatem. Sed nec in vicinis nobis provinciis, imo nec domi nostrae ea est rerum facies, quae nos usquequaque securos esse, metum ponere, supercilio nubem demere juberet. In nonnullis quippe publicis pagellis inauditam hactenus observare est procacitatem, irre- missum omnia, quae positivae religionis sunt, cavillandi studium, superbam ac protervam auctoritati, sine qua socialis ordo subsistere nequit, contradicendi libidinem, effrontem mentiendi audaciam. Doctrina crucis Christi Judaeis scandalum, Gentibus autem, imo Chri1 Nr. 4J2. Monita Praesulis ad Clerum y occasione ingruentis novi anni.
