A Győri Püspökség Körlevelei, 1867
6 ultra annum, vel extra locum natalem per notabile tempus sit commoratus, quo videri possit, an alius Ordinariatus testimonio opus sit. Cum porro Sanctitas Sua haec expresserit: Sciant Ordinarii eorum conscientiam super veritate expositorum oneratam remanere, monentur omnes, qui ab Ordinario requirentur, ut in hoc negotio sane non levis ponderis, quod gravissimis verbis Summi Pontificis summopere inculcatur, caute procedant, atque nonnisi testibus omni exceptione majoribus fidem habeant, et informationes semper sigillo clausas Ordinariatui transmittant. . 0: .. Jaurini, die 7. Januam 1867. 91Nr. 146. Episcopi ad diem 29. Junii h. a. Komám evocantur. Qui gravissimas inter tempestatum procellas Ecclesiam Dei intrepida animi fortitudine regit ac gubernat, gloriosissimus Pius Papa IX. binis jam vicibus suo sub Pontificatu majorem Catholicorum Episcoporum partem circa se congregatam vidit, annis nempe 1854 et 1862. Tanti utraque vice ex omnibus dissitissimis etiam Orbis regionibus confluxere Romam Episcopi, ut frequentissimorum medii aevi conciliorum tempora rediisse putaveris. Hoc anno rursum ad Petri Sedem, ad Cathedram principalem, ad Ecclesiam omnium Ecclesiarum matrem et Magistram nomine Beatissimi Patris evocantur Episcopi. Nimirum 29. Junii h. a. millesima et octingentesima vice recurret dies, martyrio SS. Apostolorum Petri et Pauli consecrata, quos aerae Christianae a. 67 animam pro Christo posuisse historica documenta perhibent. Diei hujus festivitas praeter illam reverentiam, quam toto terrarum orbe promeruit, speciali et propria Urbis Romae veneratione et exultatione recoletur, non tantum ideo, quia ibi praecipuorum Apostolorum glorificatus est exitus, sed etiam , quia ipsi Urbem Romam ad hanc gloriam provexerunt, ut gens sancta, populus electus, civitas sacerdotalis et regia, per sacram beati Petri sedem effecta, latius praesideret religione divina , quam aliquando dominatione terrena. *) Eadem insuper die 29. Junii arae honores decernentur beatis compluribus Martyribus, Confessoribus, et Virginibus, quarum per prodigia etiam glorificata sanctitas luculenter comprobat, „Ecclesiae floribus nec lilia, nec rosas deesse unquam. 2) Videbit itaque mundus festo SS. Apostolorum Petri et Pauli, quod in Ecclesiae Catholicae veste varietas sit, scissura non sit. Videbit lapides, quibus Sanctuarii moles consistit, non disjunctos sed conjunctos. Videbit concordiam membrorum cum Capite, quae eoipso inter se discordia esse nequeunt. Audiet omnes una Petri lingua loquentes, idipsum dicentes, perfectos in eodem sensu et in eadem sententia, unanimes idem sapientes, cor unum et animam unam habentes, sollicitos servare unitatem spiritus in vinculo pacis. Omnium illa erit vox, quae fuit S. Hieronymi ad S. Damasum Papam. 3) „Quamquam igitur tua me terreat magnitudo, invitat tamen humanitas. —· Ego nullum primum, nisi Christum sequens, Beatitudini tuae, idest Cathedrae Petri, communione consocior. Super illam Petram aedificatam Ecclesiam scio. — Quicunque tecum non colligit, spargit: hoc est, qui Christi non est, Antichristi est.“ Jaurini, die 7. Januarii 1867. 0.V*· ') V. Sermo S. Leon. 72. in nat. app. Petri et Pauli. — 2) S. Cypr. epist. ad Mont. — 3) Epist. 15. edit. Wallars.
