A Győri Püspökség Körlevelei, 1866
Tartalomjegyzék
86 2. An superiores regulares jurisdictionem habentes possint suos subditos suspendere ab audiendis confessionibus saecularium etiam ex informata conscientia ? Et in casu affirmativo. 3. An valeat suspensio oretenus, et absque scripto enunciata? 4. An absolutio impertita ab eo, qui tali suspensione est innodatus sit valida? Et si invalida. 5. An qui hujusmodi absolutionem attentat irregularitatem incurrat? Sacra Congregatio Episcoporum et Regularium in generalibus comitiis habitis die 2. Martii 1866, respondendum censuit: Ad 1. Affirmative. Ad 2. Affirmative, ita tamen ut religiosus suspensus illicite, non tamen invalide confessiones excipiat. Ad 3. Affirmative cum feratur per modum praecepti. Ad 4. Affirmative. Ad 5. Provisum in prae- decentibus. Die et anno ut supra.“ Jaurini, die 19. Julii 1866. Nr. 2083. Ad avertenda matrimonia invalida populus de impedimentis matrimonialibus edocendus. 4 SS. Concilium Tridentinum saluberrime statuit: ') ut ante quemlibet contractum matrimonii de praesenti celebrandum, a parochis ex ambone trinae, interpolatis diebus, promulgationes praemittantur, quo celebratio matrimonii eum in finem innotescat populo, ut si quopiam impedimento canonico desponsi laborarent, per audientes ejusmodi denuncia- tionem parocho aut patefiat, aut quoquomodo detegatur. Quia autem saepe non modo ipsi contrahentes, verum etiam alii impedimenta canonica, in ordine ad contrahendum matrimonium, sive jure naturali, sive divino, aut ecclesiastico introducta, aut eorum gradus vel effectum pari ignorantia praepediti, non intelligentes, eadem aut non manifestant, aut etiam subticent studiose; unde frequenter ob defectum notitiae aut manifestationis ejusmodi impedimentorum, matrimonia nulliter contracta fuerunt, et contrahuntur, quemadmodum id multis vicibus formati ad me pro dispensationibus in contractis jam matrimoniis testantur recursus. Idcirco omnes et singulos curam animarum gerentes provocandos esse duxi; ut non minus impedimenta, quae matrimonium quidem sub peccato mortali contrahi vetant, quin illud invalident; quam etiam et hoc magis ea, quae illud et contrahi vetant, et de praesenti contractum dirimunt, ac irritant; signanter autem impedimenta, cognationis, affinitatis, publicae honestatis, criminis, et clandestini- tatis, utpote quae frequentius emergere solent, saepius ac successive per annum populo ex suggestu (adhibita tamen, praesertim quoad impedimentum affinitatis, et criminis omni cautela, circumspectione ac prudentia) ad captum explicent. Quibus impedimentis in lingua vernacula clare et circumspecte expositis, simul populum admoneant DD. Curati: quod quilibet, cui de quopiam impedimento canonico constaret, illud ante copulationem manifestare in conscientia obligetur, et matrimonium, eatenus contractum absque S. Sedis Apostolicae aut respective Ordinarii Episcopi dispensatione sit irritum et nullum, proles vero procreatae sint illegitimae, ipsi vero contrahentes in continuis vivant peccatis, et sine manifesto aeternae damnationis periculo in tali matrimonio remanere non possint. Jaurini, die 19. Julii 1866. Joannes m. p. Episcopus. *) Sess. 24. cap. 1. de reform, matrim.
