A Győri Püspökség Körlevelei, 1866
Tartalomjegyzék
50 Nr. 1202. Super dubiis e Dioecesi Aesina propositis edita S. Congregationis Kituum Decisio. Quum editor Calendarii Dioecesis Aesinae, et Ceremoniarius Episcopalis, sequentium Dubiorum solutionem a Sacra Rituum Congregatione humillime exquisierint, nempe: I. „Sacra Rituum Congregatio die 4. Septembris 1773 in una „Conchen“ (1) in occurrentia festi Sancti Eliae Prophetae cum Sabbato Quatuor Temporum Quadragesimae idem Evangelium habente, ac illud Festi praedicti, decrevit: de Feria fieri debere Commemorationem sine ejus Homilia pro IX, Lectione, non obstante dispositione Rubricae particularis pro Festo Expectationis Partus B. M. Virginis: unde quaeritur, an hoc ipsum servandum sit, quando dies Octava Immaculatae Conceptionis ejusdem Beatae Mariae incidat in Feriam IV. Quatuor Temporum Adventus, quae pariter idem Evangelium habet, ac illud Octavae supradictae.“ II. „Quum Evangelium Missae Immaculatae Conceptionis non contineat nisi exiguam partem Evangelii Feriae quartae Quatuor Temporum Adventus; quaeritur, an occurrente Octava Conceptionis in dicta Feria, legi debeat in fine Missae Evangelium Feriae.“ III. „An die Octavae Immaculatae Conceptionis, legi debeant in primo Nocturno Lectiones diei Festi, vel de Scriptura occurrente, quando eadem dies Octavae, non incidet in Feriam IV. Quatuor Temporum.“ IV. „Habetur ex Rubrica, Calicem debere esse vel aureum, vel argenteum, aut saltem habere cuppam argenteam intus auratam: unde quaeritur, an liceat Episcopo consecrare Calicem ex stanno, ex aere, vel aurichalco cum cuppa ejusdem materiei, tamen aurata.“ „Eminentissimi ac Reverendissimi Patres sacris tuendis Ritibus praepositi, in Ordinario Coetu ad Quirinales aedes hodierna die habito, audita relatione a subscripto Secretario facta, propositis Dubiis mature diligenterque perpensis, respondendum censuere.“ Ad I. Omittatur IX. Lectio Homiliae Feriae Quatuor Temporum. Ad II. Omittatur ultimum Evangelium. Ad III. Provisum in Rubrica OffiCii Immaculatae Conceptionis. Ad IV. Standum Rubricis. Atque ita responderunt et servari mandarunt. Die 16. Septembris 1865. Jaurini, die 2. Aprilis 1866. Joannes m. p. Episcopus.
