A Győri Püspökség Körlevelei, 1866
Tartalomjegyzék
49 Accidit non raro, ut in struendis aut restaurandis aedibus sacris et parochialibus, patronatui fundi religionarii obnoxiis, in sequelam influxus concernentium beneficiatorum majores fiant et deposcantur erogationes, quam loco altiore approbatae et resolutae fuerunt. Ad praecavendos hujusmodi abusus II. Lottale Consilium, ope Intimati ddto 7. Martii h. a. Nr. 10,431 exarati, declarat, et ad communem notitiam perferendum jubet, majorem idmodi erogationem nullo pacto e fundo religionario posthac resolvendam, verum e penu illius perstringendam fore, cujus commissioni, vel mandato major erogatio tribui debet. Jaurini, die 2. Aprilis 1866. Erga preces sororum Congregationis S. Crucis a Reverendissimo Ordinariatu Litomeri- censi impense commendatas, provocandos habeo DD. Dioecesis hujus Sacerdotes, ut Missarum, ad intentionem praedictarum sororum persolvendarum onera quaepiam assumere, et assumpta mihi indicare velint. Nimirum praelaudatae sorores in Komotau Bohe- miae Civitate emerunt domum, in qua a biennio jam ad educationem et institutionem prolium pauperiorum incumbunt, et cujus domus pretium ex eleemosynis, per Congregationis Superiorem P. Theodosium Florentini, Ordinis Minorum S. Francisci Sacerdotem et Vicarium Generalem Curiensem in Helvetia colligendis, perstringi debuisset. Patre Theodosio, qui de re Catholica optime meruit, repentina morte sublato, sorores in magnam perplexitatem conjectae sunt ob aes alienum quo ob procuratam domum gravantur, et a quo praedicta via liberari cupiunt. Jaurini, die 2. Aprilis 1866. Apud Justum Perthes Vindobonae et in Gotha emi potest uno floreno a. v. collectio e 16 mappis geographicis constans, a Stieler et Sydow adornata sub titulo „Elementar- Atlas“ quae approbationem Gubernii tulit, et in scholis elementaribus superioribus tamquam subsidiarium doctrinae medium in usum converti potest. Quod in obsequium Intimati, a R. Lottali Consilio ddto 10. Martii h. a. Nr. 18886 exarati, ad concernentium notitiam hisce perfertur. % Jaurini, die 2. Aprilis 1866. Oommissariatus generalis terrae Sanctae Viennae residens haud pridem juris publici fecit fasciculum nonum ulteriores notitias de statu Ecclesiae Catholicae, ceterarum item sectarum in Terra Sancta in se complectentem, quem nemo sine emolumento et solatio spirituali pervolvet. Fasciculi duo exemplaria ad quemlibet Districtum hisce expediuntur, quae DD. Vice-Archi-Diaconi cum Clero districtuali communicare velint. Jaurini, die 2. Aprilis 1866. Nr. 1194. Iu struendis vel restaurandis aedibus patronalibus fundi religionarii approbatum sumptuum projectum ad amussim observandum. Nr. 1195. Missae ad intentionem Sororum Congregationis S. Crucis persolvendae. Nr. 1196. Collectio mapparum geographicarum pro scholis elementaribus. Nr. 1201. Fasciculus IX. opusculi „Missions- Notizen aus dem heiligen Lande“ ad DD. Vice- Archidiaconos transponitur. * 11*
