A Győri Püspökség Körlevelei, 1865
Tartalomjegyzék
44 et abolitis quibusvis aliis hactenus usitatis. Una vero edoceri ea de re fideles etiam volumus, tum ut declarata causa ob quam novus Catechismus inducitur, offensionis praecidatur occasio; tum ut noverint, qualem deinceps liberis suis procurare debeant librum, ne forte sumtus dispendium faciant incauti. Qua opportunitate non incongrue utentur animarum Pastores ad commonendos parentes imprimis herosque, quanta ipsis incumbat obligatio „erudiendi per se, erudiendosque curandi cbristianae doctrinae praeceptis filios, suosque familiares.“26) Interesse proinde quam maxime, ut cum verbi divini praedicationi, tum instructioni catecheticae et ipsi sedulo assistant, hac solum ratione pares futuri, ut profectui suorum intendant, et officio docendi suos rite fungantur; quam in rem apposite usurpare licebit verba S. Joannis Chrysostomi: „Non potes tantam alloqui multitudinem: at filium tuum potes ad saniorem mentem reducere; non potes ad tantum populum doctrinae sermonem dirigere: at potes servum tuum ad meliorem frugem revocare. Non excedit vires tuas discipulorum coetus ille; non excedit sapientiam tuam modus ille doctrinae; sed et facilius quam nos ipsi, vos illos omnes potestis emendare. Ego enim semel aut plerumque in hebdomada vobiscum iterum versor: at tu perpetuo discipulos intra privatos parietes habes, et uxorem, et liberos, et servos, et vesperi, et in mensa, et toto die potes illos corrigere. “27) Antequam scribendi finem faciamus, temperare Ipsi Nobis non possumus, quin dilectos nostros in pascendo grege Domini Cooperatores paterne hortemur, ut formandis excolendisque ad pietatem et religionis studium cereis parvulorum animis impigram dent operam, omniaque solerter arripiant adminicula, quae ad gravissimum tradendae doctrinae christianae opus provehendum perficiendumque conducere videbuntur. Per catecheses quippe praeparandum est solum, in quo jactum verbi divini semen fructum aliquando afferat centuplum. Ab illis pendet vera cum singulorum, tum communitatis totius cultura. „Non fallebatur, inquit Joannes Gerson, sed circumspectissime considerabat, qui affirmavit reparationem morum ecclesiasticorum, si quaeratur fieri, inchoandam esse a parvulis“ 28) Catechesi neglecta, aut perfunctorie fastidioseque tractata, omnis reliqua Pastoris industria sterilis est ac effectu frustratur. Hinc est quod Ecclesia numquam destiterit ministros suos ad hanc muneris sui partem strenue implendam excitare atque urgere; ut id tot Pontificum constitutiones, Synodorum decreta, Antistitum encyclicae testantur. Dies Nos deficeret, si documenta haec ex ordine producere vellemus; satis esto domestica nonnulla paucis indicare. Nicolaus Olahus inter „Catholicae religionis praecipua capita“ in Synodo Tyrnaviensi a. 1560 proposita et publicata, agens de Catechismo, ejusque a ludimagistris tradendi methodo, cap. 25. §. 2. sic praecipit: „Parvum Catechismum societatis Jesu, aut alterius catholici, qui per nostros Archidiaconos fuerit eis nominatus, aut assignatus, praelegant; plenam vero majoris Catecliismi doctrinam, catholicis Pastoribus ecclesiarum relinquant. Ad illorum enim curam et officium spectat, tam magnos, quam parvos, pleniorem intellectum Catecliismi docere.“ 29) In Synodo dioecesana Jau- rinensi a. 1579 sub Georgio Draskovics Sabariae celebrata, in qua etiam decreta Tri- dentina per ipsum Antistitem publicata et explanata fuerunt, ita statutum: „Diebus dominicis, et aliis festivis, fidei initia, hoc est, oratio dominica, angelica salutatio, symbolum, et similia, a Parocho pueris in templo tradantur, ad quod campanae signo convocari 26) Bened. XIV. in litteris encycl. Cum religiosi. 26. jun. 1754. — 27) Hom. 4. in principium Actor, n. 2. — 28) De parvulis ad Christ, trahend. Consid. 1. — 29) Péterffy, S. Cone. Hung. part. 2. pag. 112.
