A Győri Püspökség Körlevelei, 1865
Tartalomjegyzék
146 rae noctis obvoluta tenebris illud iterare cum regio vate cogebatur „probasti me Deus, et visitasti nocte.“ Ad haec porro multiplici tentationum genere ab inferno hoste lacessita et vexata vitam traxit quovis poenarum genere acerbiorem. Sedata denique divino beneficio hac tanta animi tempestate, coelestibus recreari deliciis uberrime coepit, sic ut intimis abrepta sensibus perstaret quoties de Deo cogitaret, aut loqueretur. Quum insigni opinione virtutis apud Sodales merito floreret, omnium suffragio dignissima habita est, cui tyruncu- larum cura ac regimen, exinde vero Supremum Asceterii moderamen iteratis etiam vicibus invitae, ac reluctanti demandaretur. Quibus muneribus Venerabilis Dei Famula sic perfuncta est, ut magistra, ac dux esset omnibus ad ineundam et absolvendam religiosae perfectionis viam. Scilicet elucebat in ipsa singularis animi demissio, praecipua erga Deum cha- ritas, nunquam intermissum precationis studium, accuratissima legum omnium observantia, inusitatus sese afflictandi ardor, ut referre videretur S. Aloysium Gonzagam materno genere se proxime attingentem, qui quidem 'admirabilem vitae innocentiam singulari austeritate cumulavit. Divinae gloriae propagandae studiosissima superatis difficultatibus omnibus, novum sui Ordinis monasterium in Monte Calerio excitavit, ac licet absens sacras Virgines inibi degentes ad omnium virtutum laudem incendit, erexit. Charitate erga proximum ducta graviter angebatur, tot perditos homines in aeternae mortis periculo versari, assiduisque precibus, et voluntariis cruciatibus illud ab divina clementia contendebat, ut ipsi gratiae coelestis auxilio in viam-possent redire salutis. Quod charitatis officium erga animas pariter exercuit, quae piaculari igne torquentur: quippe et precationibus, et corporis afflictationibus statas eis poenas contrahere, et in Coelestem beatitatem ingressum maturare studebat. Singalari pietatis studio Beatissimam Virginem Dei Matrem, Ejnsque Sponsum S. Josephum prosecuta est, quibus exoratis patriam suam ab hostili incursione atque impetu liberavit. Denique gravi correpta morbo quum praeclara edidisset christianae patientiae documenta coelestes nuptias anhelans placidissime conquievit in osculo Domini die XVI. Decembris anni MDCCXVII. Quae de illius sanctitate invaluerat opinio longe multumque aucta est post pretiosam ejusdem mortem, accedente prodigiorum celebritate, quae a Deo patrata illius suffragio ferebantur. Quamobrem de Venerabilis Dei Famulae vita ac virtutibus delata causa est ad Congregationem VV. FF. NN. S. R. E. Cardinalium legitimis ritibus tuendis praepositorum, rebusque omnibus maturo judicio ponderatis, virtutes quibus Dei Famula inclaruerat heroicum attigisse qulflaen decrevit fei. rec. Pius VI. Praecessor Noster editis hac super re litteris die V.tyi^ji Apqq JVJPCCLXXVIII. Postea agitari quaestio cepit de Miraculis, quibus Venei;a£>iJiijsrMariae ab Angelis heroica virtus confirmari dicebatur, ac diligenti instituto examine duo ex illis vera, atque explorata judicata sunt. Nos- que de illorum veritate Decretum edidimus Octavo Idus Januarias labentis anni MDCCCLXV. Hoc restabat unum, ut memoratae Congregationis Cardinales interrogarentur, num Venerabilem Dei Famulam inter Beatas recenseri posse existimarent; iique in Generali Conventu coram Nobis habito Quarto Idus Januarias currentis anni tuto id fieri posse unanimi consensu responderunt. Attamen in re tanti momenti Nostram pandere mentem distulimus donec ferventi prece a Patre luminum subsidium, opem que posceremus. Quod cum impense fecissemus, tandem tertio Kalendas Martii anni ejusdem solemni Decreto pronun- ciavimus procedi tuto posse ad solemnem Venerabilis Mariae ab Angelis Beatificationem. Nos igitur permoti precibus universi Ordinis Carmelitarum Excalceatorum, ex memoratae Cardinalium Congregationis consilio, et assensu, Auctoritate Nostra Apostolica harum Lit-
