A Győri Püspökség Körlevelei, 1864
Tartalomjegyzék
22 tholicis, nisi per antiphrasim conveniunt? Quodsi, ut contingere potest, exsequiae catholicorum ad augendam solum funeris solemnitatem, aut officiositatis decorique causa expetantur: quidni jure usurpare licebit verba S. Joannis Ckrysostomi: 74) „Non sunt res nostrae ludi scenici.11 Quae etiam major catholicis irrogari posset injuria, quam id ab eis postulare, ut, quo nihil habent sanctius, nihil augustius; quod veluti focum ac centrum omnis eorum cultus religiosi constituit, per sacrilegum assentationis genus profanent, et inconsultae hominum quorumdam vanitati ostentationique, non sine summa impietate prostituant ? Paucis haec recolere visum est, ut memoriam eorum, quae Ecclesia circa exsequias funebres sapienter constituit, Dilectis nostris in vinea Domini Cooperatoribus refricaremus, eosque excitaremus, ad haec impensius pervestiganda, et cum occasio tulerit, sedulo observanda. Omnia quippe sanctae matris nostrae Ecclesiae instituta, et praesertim ea, quae cultum externum ritusque sacros respiciunt, intima cohaerent cum fidei dogmatibus necessitudine, et penitius intellecta, admirabili pollent vi ad religionem in animis alendam, obfirmandam, provehendamque. Quare impetrare a nobis ipsis non possumus, quin arrepta hac opportunitate, sacerdotes omnes, ac cumprimis animarum curatores paterne provocemus, ut rei liturgicae studio diligentem navare pergant operam, quo ad omnes sacri ministerii partes rite et cum dignitate obeundas in dies magis reddantur idonei. Nihil enim ardentius in votis habemus, quam ut in domo Dei omnia honeste et secundum ordinem fiant:75) ad Dei 0. M. gloriam, Ecclesiae catholicae incrementum, et populi fidelis curae nostrae commissi aedificationem ac salutem. Datum Jaurini, die 10. Februarii 1864. Joannes m. p. Episcopus. 9Jjp£>nglbai 74) Homil. 41. in epist. 1. ad Cor. W) 1 Cor. 14. 40.
