A Győri Püspökség Körlevelei, 1864
Tartalomjegyzék
23 JTr. IV. R. Locumtenentiale Consilium sicut ad ceteros in Regno Ordinariatus, ita ad me quoque sub 31. Januarii hujus anni Nr. 2528 dimisit tabellas per DD. Parochos eo scopo complendas, ut ex illis sic dicti motus populares, qui anno 1863 in qualibet parochia intervenerunt, in apricum deducantur: Addidit praelaudatum Dicasterium tabellis instructionem, secundum quam in hoc labore procedendum est, ut ille bene perficiatur. In obsequium praecitati Intimati cum ipsas tabellas, tum instructionem etiam praesentibus ad quamlibet hujus Dioecesis parochiam dimitto. Singula parochia accipit quinque tabellas abs mora complendas ac unum exemplar instructionis, pro archivo parochiali reti- uendum. DD. Vice-Archi-Diaconi completas tabellas e qualibet curae suae crediti Districtus parochia ocyus colligere, ac horsum transmittere velint, abhinc R. Locumtenentiali Consilio substernendas. Jaurini, die 7. Martii 1864. R. Locumtenentiale Consilium iteratis vicibus recentius autem ope Intimati ddto 16. Februarii hujus anni Nr. 9038 horsum exarati, declaravit in Praeparandiis etiam hujus Dioecesis Jaurinensi nimirum ac Soproniensi in effectum deducendos esse altiores ordines , vigore quorum praecipitur, ut ad praeparandialia Instituta non alii admittantur adolescentes, quam qui aut inferiores scholas reales, aut quatuor primas gymnasiales classes bono cum profectu absolverunt. Causa, ob quam adusque praelaudati ordines observari non potuerunt, ab indigentiis rei scholaris repetenda est, quibus responderi nequivisset ob exiguum numerum aspirantium ad munus ludirectorale. In antelatis ordinibus cum illis dumtaxat adolescentibus poterit dispensari, qui adminus quatuor superioris elementaris scholae classes diligenter et optatu cum successu frequentaverunt. Quod DD. Praeparandiarum Directoribus pro stricta posthac observantia DD. V.-A.-Diaconis et Parochis autem pro statu notitiae eoque scopo hisce significo, ut ludimagistros, quorum filii passim Praeparandias frequentant, illosque adolescentes, qui in se vocationem ad munus docendi in scholis elementaribus sentiunt, eatenus mature edoceant. Jaurini, die 7. Martii 1864. Pro vacante labii hungarici ludirectorali statione Nagy-Barátensi .concursus usque finem Martii duraturus praesentibus indicitur, cujus proventus sunt: 1. Agrorum jugera 17. 2. Ligni focalis orgiae 2. Nr. 894. Tabellae motus populares exhibentes, ac per DD. Parochos complendae dimittuntur. Nr. 895. Ad Praepa- randiam non admittantur nisi, qui inferiores scholas reales aut quatuor gymnasiales classes absolverunt. Nr. 896. Ludirectoralis statio in Nagy-Barát concursui sistitur. 5
