A Győri Püspökség Körlevelei, 1863
Tartalomjegyzék
S. C. et R. Apostolica Majestas ope altissimae resolutionis ddto 7. Maji 1861 privilegium, quo Typographia R. Scientiarum Universitatis Pestiensis ante perfruebatur, imprimendi nimirum ac vendendi libros scholasticos, restituere dignata est. Cum repristina- tione hujus privilegii, obligatio inter pauperes scholares libros gratis distribuendi, qua secundum ministeriale rescriptum ddto 4. Decembris 1856. caes. reg. Officium Vindobo- nense imprimendis et distrahendis scholasticis libri§ praepositum tenebatur, ad eandem Typographiam translata est. Dum R. Locumtenentiale Consilium hanc obligationem sub 3. Aprilis hujus anni Nr. 21776 Typographiae R. Scientiarum Universitatis intimavit, simul etiam disposuit, ut sibi substerneretur elenchus ob oculos sistens numerum cum omnium scholarium in genere, tum illorum in specie, qui solvendo didactro ac iccirco libris etiam scholasticis proprio aere procurandis impares sunt. In consequentiam prae- citati Intimati cunctos DD. Vice-Archi-Diaconos, qua scholarum Inspectores provocandos habeo, ut hujusmodi elenchum quamlibet curae suae crediti districtus parochiam in se complectentem conficiant, ac ocyus ad Officium meum transponant. Nr. 1914 De libris scholasticis gratuito tribuendis. Jaurini, die 8. Junii 1863. Per spontaneam atque a me acceptatam resignationem parochialis beneficii Sövény- házaensis per D. Franciscum Raibel factam, hocce beneficium de jure et facto vacat, quod hisce concursui usque 20. Julii hujus anni duraturo exponitur. Jaurini, die 8. Junii 1868. Nr. 1927. Pro vacante parochiali beneficio Sövényháza concursus publicatur. Nr. 1928. D. Professor Josephus Mayrhofer edidit I. Tomum Theologiae Moralis. D. Josephus Mayrhofer, in Lyceo meo Episcopali Theologiae Moralis et Pastoralis Professor p. o., concinnavit opus sub titulo: „Theologiae Moralis Christiano-Catholicae principia e probatissimis auctoribus in usum et subsidium Cleri Dioecesani collecta, et curae pastoralis regulis adaucta." In quo opere sic auctor versabatur, ut principia Theologiae Moralis praecipue ad mentem S. Alphonsi de Ligorio, hujusque praeclarissimi sectatoris Petri Scavini, Ecclesiae Cathedralis Novariensis Canonici et Vicarii Generalis demonstraret. Est opus hoc tam pro praelectionibus scholasticis, quam pro ulteriore hujus disciplinae studio destinatum. Tomus I. 580 et XX paginas complectens operis jam typis procusus venalis prostat, et constat 3 fi. 50 xr. a. v. Haberi potest ab ipso auctore, vel etiam per Can- cellariam Officii Dioecesani. Jaurini, die 8. Junii 1863. Sanctissimus D. Noster attentis salutaribus finibus, quos unio S. Ladislai Regis prosequitur, illius sociis e thesauro Ecclesiae de indulgentiis providere dignatus est ope Apostoliéi Rescripti, cujus tenores isthic vel ideo publico, quod praelaudata unio copiosos in hac Dioecesi numeret socios. Velint DD. Praesides respectivarum filialium sive particularium unionum Apóst, hocce Breve mox in proxima sessione cum sociis communicare. 13* Nr. 1930. Indulgentiae piae unioni S. Ladislai concessae.
