A Győri Püspökség Körlevelei, 1863
Tartalomjegyzék
25 JSTr. T. N"ova circa officiales tam civiles, quam militares supremi caes. reg. Dicasterii, quod rationibus exigendis, et, ut ajunt, contrascribendis occupatur, ad matrimonium admittendos emanavit altissima caes. reg. resolutio, quam sub 16. Novembris 1862 editam in obsequium decreti aulici ddto 10. Decembris 1862 Nr. 7439 ad R. Locumtenentiale Consilium dimissi, abinde vero ope Intimati ddto 12. Januarii hujus anni Nr. 19 mecum communicati, ad DD. Curatorum notitiam hisce perfero, et cujus summa ad sequentia redit: Officialibus praedicti Dicasterii matrimonium absque praevio superioris sui indultu contrahere licet, si jam fixum salarium 500 flor enorífifflípercipiant, quod obligatione taxas dependendi affectum non sit. Accidentales proventus, quemadmodum etiam quod titulo census domalis dependitiu’, rationem fixi salarii non habent, adeoque in reflexionem venire nequeunt. Officiales salario fixo 500 florenorum nondum provisi, si matrimonium contrahere cupiant, praevium eatenus superioris sui indultum expetant et impetrent, est necesse, quem obtinere nequeunt, nisi probent suppetere sibi media sarciendi defectum salarii pro licite ineundo matrimonio praestabiliti. Practicantes et adjuncti aequiparantur officialibus, et quoad matrimonium iisdem ac illi subjacent regulis. Decernitur denique, ut officiales, qui sine indultu ad matrimonium convolaverint, officio nuncium misisse censeantur, ab eodemque amoveantur. Per resolutionem hanc derogatur dispositionibus ddto 2. Augusti 1862 Nr. 2147 abhinc publicati. Jaurini, die 16. Martii 1863. Nr. 999. De copulatione matrimoniali Officialium Supremi Exactora- tus rationum. Nr. 1000. Pontificiae militiae olim adscripti numismate pontificio decorantur. Notum omnibus nobis est, qualiter Pedemontii Rex, idemque Ecclesiae Catholicae oppressor, anno 1860 Sanctissimum Dominum Nostrum immani iniquissimoque bello aggressus fuerit, sicut praedo aggredi solet pacificum viatorem. Exiguam pontificiorum militum ex omnibus propemodum Europae partibus collectorum manum, decuplo major hostilium copiarum numerus, patrocinio insuper potentissimi gallici Gubernii suffultus superavit. Ad Castelfidardo commissa pugna fuit, in qua plurimi milites gloriosam mortem pro defendendis S. Sedis Apostolicae juribus oppetierunt. Pro refrigerio animae mortuorum militum Sanctissimus Dominus Noster Sacra Missae Sacrificia perpetuo offerenda fundavit. Illorum autem suorum olim militum fidelitatem, qui e pugna salvi evaserunt, numismate in sinistro pectoris latere deferendo praemiare voluit idem Beatissimus Pater, cujus numismatis ampliorem descriptionem dabit subjectum Breve Apostolicum. Etiam inter Dioecesis hujus fideles adusque noti sunt duodecim viri, qui pro S. Petri sede tuenda arma sumere, vitamque suam ancipiti belli exitui exponere non dubitaverunt. Sunt autem sequentes: Haager Josephus et Neubauer Ignatius e L. R. Civitate Jaurinensi; Krasitz Joannes et Weiclilein Carolus, e L. R. Civitate Soproniensi; Varga Ignatius, Kapuvári ensis; Müller Mathias, Rákosensis; Frauta Franciscus, Büdöskutensis; Schackinger Joan7
