A Győri Püspökség Körlevelei, 1863
Tartalomjegyzék
119 Reverendissime Domine uti Frater! Quum, renunciantibus nonnullis Reverendissimis Episcopis, aliisque Ecclesiasticis, et Laicis viris, Sanctam Sedem non lateret quasdam in Anglia, Galliis, Germania, et Belgio Dioeceses immutasse formam sacrarum vestium, quae in celebratione Sacrosancti Missae Sacrificii adhibentur, easque ad stylum, quem dicunt gothicum, elegantiori quidem opere conformasse; itemque in nonnullis Belgii Ecclesiis vel Oratoriis, Augustissimum Eucharistiae Sacramentum non in medio altaris, verum aut in dextera aut laeva pariete in custodia servari eodem modo, quo Sacra Olea recondi solent; Sacra Congregatio legitimis protuendis Ritibus praeposita super hujusmodi immutationibus accuratum examen instituere haud praetermisit. Ex hoc porro examine quamvis eadem Sacra Congregatio probe nosceret sacras illas vestes stylum gothicum praeseferentes praecipue saeculis XIII, XIY, et XV obtinuisse, aeque tamen animadvertit Ecclesiam Romanam, aliasque latini ritus per orbem Ecclesias, Sede Apostolica minime reclamante, a saeculo XYI, nempe ab ipsa pro- pemodum Concilii Tridentini aetate, usque ad nostra haec tempora illarum reliquisse usum; proindeque, eadem perdurante disciplina, necnon Sancta Sede inconsulta, nihil innovari posse censuit; uti pluries Summi Pontifices in suis edocuere Constitutionibus sapienter monentes immutationes istas, utpote probato Ecclesiae mori contrarias, saepe perturbationes producere posse, et fidelium animos in admirationem inducere. Sed quoniam Sacrorum Rituum Congregatio arbitratur alicujus ponderis esse posse rationes, quae praesentem immutationem persuaserunt, hinc, audito Sanctissimi Domini Nostri PII PAPAE IX. oraculo, verbis amantissimis invitare censuit Amplitudinem Tuam, ut, quatenus in tua Dioecesi hujusmodi immutationes locum habuerint, rationes ipsas exponere velis, quae illis causam dederunt. Quod vero attinet ad Custodiam Sanctissimi Sacramenti, eadem Sacra Congregatio Sanctitatis Suae nomine omnino prohibet illud alio in loco servari praeter quam in tabernaculo in medio altaris posito. Interim Amplitudini Tuae fausta omnia a Domino adprecor. Amplitudinis Tuae. Romae, die 21. Augusti 1863. Uti Frater C. Epus Portuen. et S. Rufinae Card. Patrizi S. R. C. Praefectus. D. Bartolini S. R. C. Secretarius. Reverendissimo Domino uti Fratri Joanni Simor, Episcopo Jaurinensi. Hoc exemplum cum originali concordat In quorum fidem etc. Vindobonae, die 31. Octobris 1863. HI. Falcinelli Antonincci, Archiepiscopus Athenarum Nuntius Apostolicus. In Rákos, die 15. Novembris 1863. 24*
