A Győri Püspökség Körlevelei, 1863
Tartalomjegyzék
111 Qui pro hac labii germanici statione competere voluerint, supplicem suum usque 10. Decembris hujus anni D. Vice-Archi-Diacono et Parocho Bánfaivaensi exhibeant. In Rákos, die 1. Novembris 1863. S. Rituum Congregationi varia dubia, rubricas ritus et ceremonias respicientia, a Pro- Nr. 3102. vicario Dioecesis S. Marci proposita fuerunt, ad quae die 7. Septembris 1861. sequens s°iihuum emanavit Decretum: Congregationis ad varia dubia editum. Inter caetera postulata Sacrae Congregationi Concilii a R. D. Vincentio Campagna pro- vicario dioecesis Sancti Marci in regno utriusque Siciliae proposita quum nonnulla dubia occurrerent rubricas, ritus et ceremonias unice respicientia, horum examen ab eadem Sacra Congregatione Concilii, diebus 8. Maji et 16. Novembris superioris anni 1860 commissum fuit huic Sacrorum rituum Congregationi. Declarari itaque idem provica- rius expetiit. Dubium I. In officio sanctorum confessorum pontificum, et non pontificum, perpetuo, vel per accidens translatis ad diem non obitus, debet nec ne mutari tertius versus hymni matutinalis? Dubium II. In vigiliis, et quatuor temporibus quando post nonam dici debet missa conventualis, recitata nona, vel adhuc non dicta nona, an debeat concludi divinum officium cum recitatione antiphonae finalis beatae Mariae Virginis, et caeterarum precum, non exclusa oratione Sacrosanctae etc.? Dubium III. In missa conventuali potestne tolerari ut assistens, seu serviens de altari sit laicus: et quatenus debeat esse clericus, hunc debet nec ne indui cotta? Dubium IV. An in funeribus adventitiis possit decantari missa de requie in diebus, quibus rubrica obstat ratione duplicitatis officii? Dubium V. An in exequiis ad tumulum liceat cantoribus incipere responsorium : Libera me Domine, antequam sacerdos celebrans compleat legere ultimum evangélium missae, et priusquam idem celebrans se exuit planéta, et manipulo, ut se induat pluviali, ac se sistat in castro doloris? Dubium VI. Quonam in loco praefatus celebrans debeat se exuere planéta et manipulo, ac assumere pluviale? Dubium VII. In expositione Sanctissimi Eucharistiae Sacramenti, dum a sacerdote benedictio fidelibus impertitur, licet nec ne thuriferario incensare Sanctissimum? Dubium VIII. In matutinis sanctissimae noctis Nativitatis Domini, an debeant praeintonari antiphonae ? Dubium IX. Quinam debeant cantare septimam et octavam lectionem tertii matutini in praefatis matutinis interveniente episcopo? Dubium X. Pro faciendo mandato in Coena Domini debet nec ne tolerari arbitrium lavandi pedes tredecim opulentis fratribus sodalitatis Sanctissimi Sacramenti cathedralis, exclusis pauperibus? Dubium XI. In sabbato sancto post benedictionem fontis baptismalis in actu redeundi ad altare, an liceat incipere litanias omnium sanctorum cantandas ante altare?
