A Győri Püspökség Körlevelei, 1863
Tartalomjegyzék
112 Dubium XII. In missa sabbati sancti super altare paratum ad festum debet nec ne tolerari magnum velamen nigrum passionis Domini ad hoc ut ludicra permittatur discensio et amotio illius velaminis in primo ictu tintinnabuli ad intonationem hymni: Gloria in excelsis Deo etc.? Dubium XIII. In die Nativitatis Domini et in die paschalis Resurrectionis, immediate post peractum officium matutinum, et ante prandium canonicis licet nec ne recitare vesperas, et completorium ratione lautioris prandii protrahendi illis in diebus? Dubium XIV. An sit officii praefecti chori in solemnitatibus Nativitatis et Pa- schatum curare, ut fiat syllabus, seu catalogus, in quo describantur per ordinem omnes, ad quos de jure et consuetudine spectat peragere illas sacras functiones? Dubium XV. An tractus missae conventualis per integrum dici debeat a cantoribus? Dubium XVI. An cum dicitur symbolum in missa sit intermiscendum organum? Dubium XVII. An sacerdos in die dominica celebraturus missam cum assistentia ministrorum, expleta functione aspersionis aquae benedictae, debeat secedere a presbyterio ubi existit credentia et stat scamnum celebrantis et ministrorum, et accedere ac introire in Sancta Sanctorum retro altare pro deponendo pluviali, et pro assumenda planéta ? Haec autem dubia, super quibus Sacra Rituum Congregatio voluit, ut alter ex apostolicarum caeremoniarum magistris sententiam suam scriptis panderet, ac typis mandaret, ab Emo et Rmo Domino cardinale Nicolas Clarelli-Paracciani relata cum fuerint in ordinariis Sacrorum Rituum comitiis ad Vaticanam Aedem hodierna die habitis, Emi et Rmi Patres sacris tuendis ritibus praepositi post accuratum eorundem examen, rescribendum censuerunt: Ad I. Dentur decreta. Ad II. Servetur rubrica, et detur decretum. Ad HI. Inservientem missae conventuali esse debere clericum cum cotta. Ad IV. Negative. Ad V. Responsorium: Libera me Domine, canendum non esse nisi finita missa, et conveniens esse ut illud cantores incipiant, quum sacerdos fuerit pluviali indutus, et subdiaconus cum cruce ad pedes tumuli pervenerit, etiamsi castrum doloris adsit in medio chori. Ad VI. In plano ad t cornu epistolae. Ad VII. Non praescribi; et servandam consuetudinem locorum. Ad VHI. Affirmative. Ad IX. Spectare ad duos assistentes episcopo. Ad X In casu curandum, ut non obstante consuetudine lavandi pedes opulentis fratribus sodalitatis Sanctissimi Sacramenti, eligantur potius, si fieri poterit, tot pauperes, quod juxta Caeremoniale Episcoporum videtur magnam humilitatem et chari- tatem prae se ferre. Ad XI. Episcopo non praesente, servandum missale. Ad XII. Dilata, et rem clarius explicandam. Ad XIII. Negative, et abusum, si adsit, penitus eliminandum.
