A Győri Püspökség Körlevelei, 1861
Tartalomjegyzék
59 his verbis concipiunt: Infra octavam dicitur haec eadem missa et non fit de aliquo Sancto nisi fuerit duplex occurrens, non autem translatum. Rubricae huic perfecte concordat parallela breviarii romani rubrica ante officium Corporis Christi, quae ita se habet: Infra octavam non fit de festo nisi fuerit duplex . . . nec fit de duplici translato. Verum quum in recentioribus editionibus primae rubricae additae privato arbitrio haec verha fuerint, nisi sit primae vel secundae classis, factum hinc est ut quae intra utramque rubricam aderat olirn perfectissima consonantia, ob recens istiusmodi additamentum omnino cessaverit. Ceterum quum denegari non possit verba nisi sit primae vel secundae classis cohaerere declarationi in nonnullis particularibus decretis a Sacra Rituum Congregatione factae praesertim in Utyxbonen. diei 30. Maji 1699, ad 2. hinc quaeritur an a praedicta missalis rubrica expungenda sint verba recentius addita nisi sint primae, vel secundae classis i Ad IV. Negative eademque verba addantur in novis breviarii romani editionibus. Dubium V. In festo Purificationis Beatae Mariae Virginis ante missam legitur haec rubrica: Si hoc festum venerit in Dominica septuagesimae, sexagesimae et quinquagesimae fit tantum benedictio et distributio candelarum, et processio et missa dicitur de Dominica, missa autem festi transfertur ad sequentem diem. Quid nomine sequentis diei in hac rubrica foret intelligendum nullum potuit exoriri dubium donec dies 3. Februarii nonnisi a festo simplici fuit occupata. Ast postquam pro multis dioecesibus praedictae diei affigi coepit festum duplex vel semiduplex, tunc non immerito dubitatum fuit utrum pro die sequenti intelligenda foret ipsa dies tertia Februarii, quamvis impedita, an potius prima dies post eam vacua a festo duplici vel semiduplici. Cui dubio Sacra Rituum Congregatio ut occurreret generale decretum eddidit Urbis et Orbis die 20. Julii 1748 quo ita cavit: Quando ejusmodi casus intervenerit officium Purificationis esse transferendum ad feriam secundam immediate sequentem quocumque festo etiam aequalis, non tamen altioris ritus in eam incidente. Et ita servandum mandavit quando festum Annunciationis Beatae Mariae Virginis occurrat in dominica privilegiata. Quod si in hebdomada majori vel paschali, tunc Annunciationis officium pari cum privilegio in feriam secundam post dominicam in Albis voluit transferri. Atque hoc decretum generalibus kalendarii Romani rubricis adjici praecepit. Quum itaque hoc decretum juxta mentem Sacrae Congregationis adjici debeat rubricis generalibus, quaeritur an in praedicta Missalis Romani rubrica verba in sequentem diem commutandae sint cum hisce verbis: In feriam secundam immediate sequentem quocumque festo etiam aequalis, non autem altioris ritus in eam incidenteí Ad V. Affirmative. Dubium VI. Eamdem ob causam quaeritur an ante missam Annunciationis Beatae Mariae Virginis sit nova rubrica adjicienda qua privilegium hujus festi annuncietur ad formam praecitati decreti Urbis et Orbis diei 20. Julii 1748? Ad VI. Affirmative. Dubium VII. Quum autem idem privilegium, et sub eadem clausula ut generalibus calendarii romani rubricis adjiciatur hoc vertente anno fuerit a SSmo Domino Nostro Pio Papa IX. decreto Urbis et Orbis diei 24. Maji tributum festo Conceptionis B. M. Virginis, quaeritur an similis rubrica huic quoque festo sit adjicienda? Ad VII. Affirmative. Dubium VIII. In omnibus antiquis editionibus Missalis Romani non exclusis illis Clementis VIII. et Urbani VIII. immediate ante missam Purificationis Beatae Mariae Virginis ita
