A Győri Püspökség Körlevelei, 1861
Tartalomjegyzék
27 ATr. VI. Sancta et de suorum salute fidelium sollicita mater Ecclesia districte praecipit Q: „ut omnis utriusque sexus fidelis, postquam ad annum discretionis pervenerit, omnia sua peccata, saltem semel in anno, fideliter confiteatur." Universali autem in Ecclesia consuetudine invaluit mos, ut praecepto huic S. Quadragesimae, sive paschali, ut loquimur, tempore imprimis satisfieret, quem morem SS. Tridentina Synodus 2); „maxime probat et amplectitur, tamquam pium et merito retinendum", imo damnat 3) illos, qui dixerint, ad confessionem peccatorum non teneri omnes et singulos utriusque sexus Christifideles juxta magni Concilii Lateranensis constitutionem semel in anno, et ob id suadendum esse Christifidelibus, ut non confiteantur tempore Quadragesimae, quo alioquin usu rationis praediti fideles omnes, ad sacra Dominici Corporis mysteria accedere, et ne indigne accedant, taliterque judicium sibi manducent, secundum verissimam Apostoli doctrinam, 4) semetipsos probare ac pro re nata conscientiam suam in Sacramento Poenitentiae praevie emundare tenentur, quo sic per dies illos expurgato veteri fermento nequitiae , agere possint festum diem in paschalibus azymis veritatis et sinceritatis, facti nova conspersio. 5) Mandat magnum illud Lateranense Concilium, 6) ut praeceptum de annua confessione saepius in Ecclesiis publicetur, ne quisquam ignorantiae coecitate velamen excusationis assumat; Synodus vero Tridentina 7) „praecipit Episcopis omnibus, ut non solum, cum Sacramenta per seipsos erunt populo administranda, prius illorum vim et usum pro suscipientium captu explicent, sed etiam idem a singulis parochis pie, prudenterque servari studeant," et hoc ideo: „ut fidelis populus ad suscipienda Sacramenta majori cum reverentia, atque omni cum devotione accedat." Explicationis hujus tanto major est quoad Sacramentum Poenitentiae utilitas, imo necessitas, quanto certius est, ab hoc Sacramento rite suscepto, ab hac secunda post naufragium tabula, ita quemadmodum oportet, arrepta, pendere salutem omnium, qui justitiam in Baptismo beneficio et gratia Dei acceptam constanter tuiti non sunt, sed per peccatum amiserunt. „Nisi quis renatus fuerit ex aqua et Spiritu Sancto non potest introire in regnum Deidicit divinus Salvator de Baptismo, 8) de Poenitentiae Sacramento autem docet Synodus Tridentina, 9) esse illud lapsis post Baptismum ad salutem tam necessarium, quam sit nondum regeneratis ipse baptismus. Cum itaque non liceat mihi, cui concreditae potestatis ratio summo Pastori Deo reddenda est, quidquam negligere, quod ad salutem curae meae commissi fidelis populi conducit ; cohibere me non potui, quominus Vos, VV. FF. et FF.! qui una mecum pascitis gregem Domini, et qui aliquando una mecum stabitis ante Tribunal Christi, 10) de pastorali nostro munere eidem gregi impenso rationem reddituri, orem atque obsecrem, ut tanti tamque necessarii Sacramenti naturam, virtutem, excellentiam, proprietates et conditiones juxta infallibilem S. Scripturae et traditionis regulam , nec non Summorum Pontificum decreta ovibus vestris crebro, sed imprimis sacro hoc Quadragesimae tempore exponatis et explicetis, ne in venenum mortis per ignorantiam convertatur in illis, quod velut remedium vitae a divite in Misericordia Deo institutum est. *) Cap. omnis utriusqtie sexus, de poenit. et remiss. — 2) Sess. 14. cap. 5. de poenit. — 3) Eadem sess. can. 8. — 4) 1. Cor. 11. 27—29. — 5) 1. Cor. 5. 7—8. — 6) Praecit. constit. omnis utriusq. sexus. — 7) Sess. 24. de reform. cap. 7. — 8) Joann 3. 5. Cone. Trid. sess. 7. can. 2. de Baptismo.— 9J Sess. cit. cap. 2.— 10) Rom. 14.10. 9 Nro. 735. Fidelis populus de Sacramento Poenitentiae soler- ter instituendus, et ad illud frequentandum excitandus.
