A Győri Püspökség Körlevelei, 1859
Tartalomjegyzék
35 sitionum, eatenus vigentium, procurat is, qui illud possidet, adeoque beneficiatus ipse, vel Collegium aut Conventus ecclesiasticarum personarum, cui beneficium incorporatum est. Possessor beneficii nunquam non prae oculis habeat, se illius usufructuarium duntaxat esse, qui hoc ipso stricta obligatione tenetur, doti beneficii, ceterisque ad inventarium ejus spectantibus objectis ac in specie etiam aedificiis omnem sollicitudinem impendendi. Relate ad silvarum beneficio propriarum culturam et usum praescriptae eatenus normae solerter observentur, ne ratione proventuum, exinde redundantium, successoribus praejudicium aut damnum inferatur. Quietantias eo scopo necessarias, ut pars proventuum dotis beneficii percipi queat, apposito officii sigillo subscribit ipse beneficiatus. §. 55. De abalienando et onerando peculio beneficii, item de elocandis edicendis- que capitalibus, quae ad dotem ejus referuntur, regulae §§. 17, 23, 24, 25, 26. stabilitae observentur. Si beneficiatus perceptum pro sorte extractis obligatorialibus aerarii publici, aut persolutis aliis capitalibus paratum aes non denuo in censum locare, sed alio quocumque modo impendere vellet, ac cuperet, dispositionibus illis parendum erit, quae de abalienatione perlatae sunt. Dum fundi beneficiales in censum locantur, sub nullitate contractus solutionem canonis nonnisi pro dimidio anno anticipare ac ideo etiam stipulare licet, — ne successori damnum exinde emergat. §. 56. Super acceptatione fundationum, quae in emolumentum fiunt beneficii cujus- piain, decidere ad Ordinariatum pertinet. Beneficiati proinde est, se eatenus cum declaratione Patroni, cujus de augmento et administratione dotis beneficii interest, ad Ordinariatum convertere, et eidem litteras fundationales, si illae exarandae sint (vide §. 33.) pro approbatione praesentare. §. 57. Administratores peculii ecclesiae, prouli etiam Vice-Archi-Diaconus Di- strictualis beneficiatum officii sui incunctanter commonefacere possunt imo tenentur, si is obligationes suas relate ad aedes beneficiales, quarum minutas reparationes propriis expensis procurare debet, aut intuitu peculii ad beneficium pertinentis negligat. Hoc ipsum et ecclesiae Patrono facere integrum est, cujus vices in Patronatu Summi Terrae Imperatoris, Fundi item Religionis Caes. Reg. Regimen exercet. Si monita, beneficiato a praememora- tis impertita, optato caruerint elTectii, per eosdem apud Ordinariatum querela fiat, qui ita poscente Patrono, eodem in persona vel per repraesentantem praesente, statum aedium et peculii beneficii ultro pervestigandum curabit. §. 58. Integrum est beneficiato, scopo recipiendorum, quae legitime edicta sunt, capitalium restantiumque interusuriorum aut aliarum, quae beneficio competunt, praestationum, juxta proprium arbitrium coram jure agere. Sed praeter hos casus litem judiciariam, quae beneficium adtineret, absque consensu Ordinariatus movere non audeat, et si scopo tali ad Ordinariatum remonstraverit, eidem una scriptam Patroni declarationem exhibeat. De causis beneficii, per Patronum agendis, valent ea, quae §§. 27 et 28 dicta sunt. §. 59. Simul cum extractu rationum ecclesiae, de quo §. 51. actum est, Caes. Reg. Locumtenentiae relatio exhibeatur de augmento aut decremento dotis beneficii, si quod labente anno emerserit. Si de erecta in favorem beneficii fundatione instrumenta conficiantur et approbentur, horum exemplar unum, tymbro haud provisum, eidem Caes. Reg. Locumtenentiae Ordinarius praesentabit. 7*
