A Győri Püspökség Körlevelei, 1859
Tartalomjegyzék
33 de perceptionibus et erogationibus conficere, et corpori rationum tam probas securitatis exhaerentium capitalium, quam inventarium ecclesiae inserere, utriusque porro — nempe cum corporis rationum, tum inventarii paginas numeris signare. Documenta omnia de perceptionibus primum, dein de erogationibus, eodem ordine composita, quo in rationibus provocantur, et iisdem, qui ibi occurrunt numeris signata, colligere et in peculiarem fasciculum colligare, et utrumque — corpus nimirum rationum et documentorum, ad has pertinentium, fasciculum, adpositis extus praenotationibus ad invicem conjungere. §. 45. Rationes conficiendae erunt juxta formularia abhinc praescribenda. Ceterum isthic jam observamus et disponimus, ut scopo declinandae confusionis, faciliorisque revisionis, peculium piarum fundationum non cumulative cum peculio ecclesiae proprio, sed quamvis in iisdem rationibus, distinctim tamen exhibeatur. §. 46. Pro actu ratiocinii praeter administratores peculii sacri, qui vi officii sui adesse debent, invitare oportet ecclesiae Patronum. His administrationis peculii membris et Patrono praesenti liberum est, reflexiones, quas necessarias consuerint, facere, easque scripto mandatas corpori rationum adnectere. Si Patronus exemplari rationum potiri cupiat, impediri nequit quominus earum transsumptum propriis expensis fieri curet, (hiodsi vero Patronus actui ratiocinii nec ipse in persona, nec per repraesentantem intervenire queat, intra ambitum tamen Dioecesis habitet, atque de rite ac debite instructis rationibus mentem suam scriptotenus exprimere velit, administratores peculii ecclesiastici totum ac integrum corpus rationum ecclesiae eidem submittere tenebuntur. Reservamus vero Nobis, concessionem hanc illis Ecclesiarum Patronis subtrahere, qui protractis in declaranda mente sua justo longioribus moris, ordinatum hujus negotii cursum impediverint. §. 47. In actu ratiocinii statum peculii ecclesiastici activum et passivum, perceptiones et erogationes, quietantias aliave documenta rite expendere, et accurrato examini subjicere oportet; praecipua attentio ad dotem et inventarium Ecclesiae dirigenda est, ut appareat, an illa nullum passa sit detrimentum, an istud in sua pariter integritate permanserit, aut mutationes, et quales subierit, an activae praetensiones crisim omnem sustineant, an in specie capitalia omnia privatis elocata pupillari securitate gaudeant, an obligatoriales litterae, quarum in rationibus mentio fit, cum manentia fisci, seu aere parato, reipsa praesto sint, an mutationes, decursu anni in inventario factae, debite praenotatae occurrant. Denique hac opportunitate status aedis sacrae, et domus parochialis debite inspiciatur, ut de reparationibus forte necessariis tempestive provideri queat. §. 48. Administratores peculii ecclesiastici appositis chirographis suis recognoscent testabunturque, rationes recte praestitas, capitalium securitatem comprobatam, inventarium recte adornatum fuisse. §. 49. Rector ecclesiae praestitas exposito modo rationes cum omnibus suis documentis, addita de eo relatione, an Patronus ipse vel per repraesentantem actui ratiocinii intervenerit, et adnexa, si quam Patronus scripto super rationibus exarasset, declaratione transponet ad Vice-Archi-Diaconum Districtualem, vel ad illum ecclesiasticum virum, cui Ordinariatus procurationem oeconomicorum negotiorum Vice-Archi-Diaconalis districtus commisit. Vice-Archi-Diaconi est, rationes revidere, quod dum facit, ad ecclesiae dotem, 7
