A Győri Püspökség Körlevelei, 1859
Tartalomjegyzék
21 Wro. V. Gubernium magni ducatus Badensis eam novissime dispositionem fecit, ut de nativitate prolium, quas in regione illa commorantes extranei progignerent, concernenti Regimini extractus protocolorum matricularium expedirentur. Dispositioni huic reciprocam vicem reddere cupiens Excelsum C. R. Regimen, mutuis inter Ministeria rerum internarum et cultus atque institutionis initis consiliis statuit, ut si quae proles per subditos magni ducatus Badensis intra ambitum Imperii, seu legitimo, seu illegitimo thoro generarentur, illarum baptismales litterae, pari modo, quemadmodum de casibus obitus commissum est, (vide Circulares Dioe- cesanas ddto. 4. Februarii 1858 Nr. 459) sibi exhiberentur, ea per expressum cautela interjecta, per hujusmodi baptismalium litterarum expeditionem quaestioni indigenatus nullo modo praejudicatum iri. Committo hujus nexu DD. Curatis, ut occurrente nativitate prolis, cujus pater aut — si nimirum partus illegitimus foret — mater ex magno ducatu Badensi oriunda jus civitatis in Austria nondum obtinuit, litteras baptismales ex officio exaratas mox ad me transponant. Jaurini, die 5. Martii 1859. Proximi prosynodalis examinis terminum in dies 25. et 26. futuri mensis Maji hisce defigo, et ad communem notitiam cum eo perfero, ut qui in eodem pertentari voluerint, hoc suum propositum usque diem 15. ejusdem mensis Officio meo significare meminerint. Jaurini, die 5. Martii 1859. Nisi Domino, cujus nutibus vitae nostrae momenta decurrunt, aliter disponere placuerit, mox post festa paschalia Districtus Yice-Archidiaconales Jaurinensem medium, Csepreghen- sem et Széplakensem visitando, et Sacramentum Confirmationis dispensando peragrare proposui. Concernentium DD. Curatorum erit, interea etiam donec diem adventus mei ad re- spectivas parochias significavero, confirmandos juxta instructionem eatenus a me editam, et sub 20. Aprilis 1858 Nr. 1311. publicatam solerter praeparare atque sic disponere, ut dignum Spiritus Sancti habitaculum effici mereantur. Jaurini, die 5. Martii 1859. * iliiloofimmi iff Antonium Szántófy parochum Deretskeensem die 19. praeteriti mensis post brevem aegritudinem praematura mors Dioecesi et vitae eripuit, cujus animam fraternis sulfragiis commendo, ut ad societatem civium supernorum celerius admissa, in conspectu Altissimi jugi deprecatione nobis, qui adhuc in stadio currimus, vicem exhibitae pietatis rependat Per obitum hunc vacans beneficium parochiale Deretskeense, juri patronatus Celsissimi Principis Eszterházy obnoxium, qui obtinere cupiverint, supplices libellos suos usque finem mensis Aprilis h. a. mihi exhibeant. Jaurini, die 5. Martii 1859. Nr. 861. Subditorum magni ducatus Badensis, qui in au- striaco imperio nascuntur, baptismales litterae exhibendae. Nr. 862. Terminus' Pro-Synoda- lis examinis praefigitur. Nr. 863. Dispensatio Sacramenti Confirmationis. Nr. 864. Obitus Antonii Szántófy. Currentatio beneficii Deretske. 5
