A Győri Püspökség Körlevelei, 1859
Tartalomjegyzék
110 cidisse in ecclesiasticas censuras et poenas, quas in praedicta Nostra Allocutione commemoravimus. Ceterum, Venerabiles Fratres, adeamus cum fiducia ad thronum gratiae, ut divini auxilii ope solatium et fortitudinem in rebus tam adversis assequamur: nec desistamus, divitem in misericordia Deum assiduis fervidisque precibus humiliter enixeque orare et obsecrare, ut omnipotenti sua virtute omnes aberrantes, quorum forsitan aliqui misere decepti nesciunt quid faciunt, ad meliora consilia, atque ad justitiae, religionis salutisque semitas reducat. Jaurini die 9. Octobris 1859. Nr. 2780 Festum S. Patritii Episcopi et Confessoris ritu duplici in universa Ecclesia celebrandum disponitur. . S. Congregatio moderandis sacris ritibus praeposita sequens edidit de Festo S. Patritii E. C. decretum in tota Ecclesia observandum, quod iccirco ope praesentium publico. »ECBETU1H URBIS ET ORBIS. Q,uum Archiepiscopi atque Episcopi omnes Hiberniae Anno MDCCCLIV. Dublini congregati a Sanctissimo Domino Nostro PIO PAPA IX. humillime postulaverint ut Festum Sancti Patritii Episcopi Confessoris, atque Hiberniae Patroni, quod in Breviario Romano ritu semi- duplici notatur die XVII. Martii, ad ritum duplicem pro universa Ecclesia Catholica elevare dignaretur; Eminentissimi ac Reverendissimi Patres Sacri Consilii Christiano Nomini Propagando in generalibus Comitiis eodem Anno liabitis die XXI. Julii censuerunt supplicandum Sanctissimo pro gratia. Hanc vero Sacri Consilii sententiam quum, instante nuper novis precibus Archi- episcopo Dublinensi, Sanctitas sua benigne exceperit, jussit ut Festum Sancti Patritii Episcopi Confessoris die XVII. Martii amodo recolatur in universa Ecclesia ritu duplici minori, praesensque a Sacra Rituum Congregatione edi Decretum, ac promulgari mandavit. Contrariis non obstantibus quibuscumque. Die XII. Maji MDCCCLIX. C. EPISC. ALBANEN. CARD. PATRIZI S. R. C. PRAEF. H. Capalti S. R. C. Secretarius. Jaurini die 9. Octobris 1859. Joannes m. p. Episcopus.
