A Győri Püspökség Körlevelei, 1858
Tartalomjegyzék
V /i / Nr. 244. Taxae pro foris ecclesiasticis praescriptae. 8 In foris ecclesiasticis non secus ac in civilibus ab olim taxae quaedam seu depensiones pecuniariae pro expeditionibus instrumentorum officiosorum usu veniebant, quarum mensuram pro patria nostra b. g. normales anno 1770 editae defixerant. Introducto apud fora civilia novo ordine causarum gerendarum, in vicem taxarum usus chartae tymbratae introductus est; ast relate ad tribunalia ecclesiastica Sua Majestas Sacratissima, Episcoporum pro conferentiis anno 1856. Viennae congregatorum votis clementer annuit, eo directis, ut pristinus taxarum usus ubi hucdum obtinuit ultro retineatur, ubi vero idem usus cum ipso foro ecclesiastico exoleverat, iterum revehatur, servata utique per totum Imperium eadein, quantum fieri posset, hujusmodi praestationum exigendarum mensura. Clementissimae huic sub 19. Augusti a. p. editae resolutioni innixum C. R. Cultus et Institutionis Ministerium, audita Episcoporum sententia, sequens taxarum Schema, in tribunalibus ecclesiasticis servandum praescripsit vigore decreti ddo 11. Decembris 1857. Nro. 19809. 1. Pro libellis actionalibus, aliisque pro officiosa pertractatione exhibitis instrumentis, a singulis philyris . . . . — fl. 6 xr. 2. Si in vicem libelli actionalis, aut scopo dilucidandae causae, vel pro audiendis testibus et rei peritis protocollum conficiatur; item pro consignatione exhibitorum instrumentorum seu sic dicto Rotulo, a singulis philyris — fl. 6 xr. 3. Pro simplici transsumto instrumenti officiosi a singulis philyris — fl. 15 xr. Nota. Instrumenta authenticata, seu vidimata in charta 15 xr. tymbro instructa exarentur oportet. 4. Pro quolibet Edicto, absque respectu numeri instituendarum publicationum, praeter taxam sub 1. occurrentem . . . 1 fl. — xr. 5. Pro sententia interlocutoria in prima instantia . . 1 fl. — xr. 6. Pro sententia meritoria, seu quae in causa principali fertur, iii qualibet instantia . . . . . . 5 11. — xr. 7. Pro resolutione erga talem recursum, qui non contra sententiam in merito causae latam directus est, praeter taxam sub NN. 1. et 2. positam — fl. 30 xr. 8. Si sententiam in contumaciam latam abrogari contingat, pro nova sententia, quae ejus loco fertur, nulla taxa dependi debet. Nota- Pertractationes fori ecclesiastici matrimonialis, nisi instrumentum tale complectantur, quod in foro civili producendum est, a tymbro immunes sunt. 1. Taxas hoc schemate expositas illa pars dependet, ad cujus requisitionem tribunal matrimoniale procedit; sententiae in primo foro latae taxam pars illa solvet, quae causa cecidit , eo duntaxat casu excepto, si mediante sententia utraque pars in expensis ex aequo ferendis condemnetur, tunc enim ambae partes praescriptarum taxarum depensione in solidum tenentur. Si causa ad altius forum deducatur, pars ea, quae appellaverit, taxas in eodem foro praestandas habebit. 2. Si causa ex officio moveatur, nulli taxarum exactioni locus est. Dispositiones generales.
