Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
Erstlichenn in vorgemelten parthicular alß alten ausstanndt, one etliche vngewisse possten, alß maidtgelt, vnnd annderß, so mit bewilligung einer gannzen gemain außgethann wordenn, ain hundertviervnndzwainzig gulden, vier vnndzwainzig phennig hungerisch, vonn dennen von Neusidl am See, wißmatzinß acht vnndvierzig guldenn hungerisch, vonn dennenn von Sumerein an der Straß wasser zinß, acht guldenn hungerisch. Vom Paul Treiter burger alhie, vom Pratschenn auch acht guldenn hungerisch. Vom khüehalter alhie, vier gulden hungerisch. Vom hungerischenn zechmaister paar gelt, zwen gulden zwen vnddsibenzig phennig hungerisch. Vom teutschen zechmaister auch paar gelt sechs guld[en] vierzig phennig hungerisch. Thuet nun alles zusamen ain hundert sibenvnndneunzig guldenn, sechs vnndzwainzig phennig hungerisch. 7. (I. 49.V.) An heut dato, habenn richter vnnd rath, Tobai Benedictenn burger vnnd handlsmann alhie warumbenn er fürkhumener massen, gemainer stat freyhaitenn zuwider, mit außwendigen hanndlßleutenn hanndle, verhöret, darauf er fürgebenn dieweillen anndere burger mit außwenndtigen, alß Missarusch Mattiasch, mit Colman Tomaschen von Wislburg, Naigdt Michal mit dem pfisster von Summerein, vnnd Michel Pair auch mit disem pfisster, hanndien, so habe er vermaint, es wuerde ime auch khainen mangel bringenn. Actum denn 16 january anno [etc.] [15]81 ist[en], 8. (I. 49.V.- 50.r.) Auf Thobai Benedicts anzaigenn, ist durch richter vnnd rath vorbemelten dreien bürg [er] n, Missarusch Mattiaschenn, Naigdt Michaln, vnnd Michaln Paiern, weillen sy samentlich, das sy mit khainen auswendtigen gehanndlet, fürgebenn vnnd lautter vernaint, ire entschuldigung iner vierzehenn tagen zubeweisen auferlegt wordenn. Actum denn 16 january anno [etc.] [15]81 ist[en], 1581. január 30. 9. (I. 50.r.) In der schuldt sachenn derwegen Todt Peter, wid[er] Getschkhimeti Petern forkhumenn, ist durch richter vnnd rath, dem Getschkhimedti Petern auferlegt vnnd beuolhenn wordenn, das er iner vierzehen tagen die sprich, so er gegen Todt Petern auf dessen fürgebrachten schuldtbrieff entgegen zuhaben vermaint, darthue, wonit so solle des Todt Petern schuldtbrieff für khrefftig erkhent werd[en]. Actum denn 30 january anno [etc.] [ 15]81 ist[en]. 97
